အမျိုးသားညီညွတ်ရေးအစိုးရ(NUG) ဝန်ကြီးချုပ်မန်းဝင်းခိုင်သန်း၊ ပြည်ထဲရေးဝန်ကြီး ဦးလွင်ကိုလတ်၊ သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီး ဒေါက်တာတူးခေါင်နှင့် ကျန်းမာရေးဒုဝန်ကြီးဒေါက်တာရွှေပုံတို့၏ နေအိမ်များကို အကြမ်းဖက်စစ်ကောင်စီလက်ပါးစေ ရဲတပ်ဖွဲ့က ယနေ့(ဒီဇင်ဘာ၁၆ရက်) ချိတ်ပိတ်သွားသည်။
အကြမ်းဖက်စစ်ကောင်စီက ဝန်ကြီးချုပ်နှင့်ဝန်ကြီးများ၏ နေအိမ်များကို အကြမ်းဖက်မှုတိုက်ဖျက်ရေးဥပဒေအရ ပိတ်သိမ်းခြင်းဖြစ်သည်ဟု အကြောင်းပြထားသည်။
ကချင်ပြည်နယ် မြစ်ကြီးနာမြို့ရှိ ဝန်ကြီး ဒေါက်တာတူးခေါင်၏နေအိမ်အပြင် ကော်ဖီဆိုင်ကိုပါ အကြမ်း ဖက်စစ်ကောင်စီ၏ လက်အောက်ခံရဲတပ်သား ၂၀ခန့်က ယနေ့ ချိတ်ပိတ်ခဲ့ခြင်းဖြစ်သည်။
“ဘဏ်ကငွေလဲ အကုန်သိမ်းပါတယ်”ဟု ဝန်ကြီးဒေါက်တာတူးခေါင်က ၎င်း၏လူမူကွန်ရက်တွင်အသိပေး ရေးသားခဲ့သည်။
Public Service Announcement
အကြမ်းဖက်စစ်ကောင်စီက NUGဝန်ကြီးများနှင့် CRPHတွင် ပါဝင်သည့် လွှတ်တော်ကိုယ်စားလှယ်များ၏ နေအိမ်များကို အကြမ်းဖက်မှုတိုက်ဖျက်ရေးဥပဒေဖြင့် လိုက်လံ ချိတ်ပိတ်နေခြင်းဖြစ်သည်။
ထို့အပြင် ပြည်သူ့ကာကွယ်ရေးတပ်ဖွဲ့ဝင်များနှင့် ၎င်းတို့ကို ထောက်ခံသူများ၏ နေအိမ်များကိုလည်း အကြမ်းဖက်စစ်ကောင်စီက လိုက်လံချိတ်ပိတ်နေသည်။
