အကြမ်းဖက်စစ်ကောင်စီနှင့် စစ်ရေးတင်းမာနေစဥ်ကေအဲန်ယူ သထုံမြို့နယ် အလုပ်အမှု ဆောင်ကော်မတီက ပြည်သူလူထု လိုက်နာရမည့် အချက်(၄)ချက်ပါသော ကြေငြာချက်တစ်ရပ်ကို ယနေ့ ထုက်ပြန်လိုက်သည်။
ပြည်သူလူထုအနေဖြင့် ဒေသတွင်း နံနက် ၆ နာရီမှ ညနေ ၆ နာရီအတွင်းသာ သွားလာရန်၊ သထုံခရိုင်-သထုံမြို့နယ်၊ တပ်ရင်း (၂)ထိန်းချုပ်နယ်မြေအတွင်း မော်တော်ယာဥ်ဖြစ်သည့် ကားဖြင့်ခရီး သွားလာပါက ကားမှန်များကို ချ၍မောင်းနှင်ရန် ၊ မော်တော်ကား၊ ဆိုင်ကယ် စက်တပ်
ယာဥ်များဖြင့် ခရီးသွားလာရာတွင် တာဝန်အရ စစ်ဆေးလိုပါက ကြည်ဖြူစွာ လက်ခံပေးရန်နှင့်ပြည်သူများအနေဖြင့် အရေးပေါ် ကိစ္စရပ်များ ရှိလာပါက သက်ဆိုင်ရာ တာဝန်ရှိ ပုဂ္ဂိုလ်များထံ ဆက်သွယ် အကြောင်းကြားရန် တိုက်တွန်းထားသည်။
ကေအဲန်ယူ-သထုံမြို့နယ်အတွင်း ဖြတ်သန်းသွားလာနေကြသော ပြည်သူများအနေဖြင့် ထုက်ပြန်ကြေငြာချက်ပါ အချက်များကို လိုက်နာ ဆောင်ရွက်ခြင်း မရှိပါက ဖြစ်လာမည့် နောက်ဆက်တွဲ ပြဿနာများကို တာဝန်ယူမည်မဟုတ်ကြောင်းလည်း ပါရှိသည်။
KNU ထိန်းချုပ်နာ်မြေ လေးကေ့ကော်မြို့ သစ်တွင် စစ်ကောင်စီက ဒီဇင်ဘာ ၁၄ရက်တွင် အဓမ္မဝင်ရောက်ပြီးနောက်ခိုလှုံနေသူ၃၀ ကို ဖမ်းဆီးခဲ့သည်။ စစ်ကောင်စီတပ်က ကျူးကျော်ဝင်ရောက်လာမှုကြောင့် စစ်ရေးတင်းမာလာပြီးနောက်ဒီဇင်ဘာ ၁၅ရက်မှစ၍ တိုက်ပွဲဖြစ်ပွားခဲ့သည်။
ယနေ့တွင်လည်း တိုက်ပွဲထပ်မံဖြစ်ပွားနေပြီး တိုက်ပွဲ ပြင်းထန်လာသည့် အပြင်တိုက်ပွဲဧရိယာလည်းကျယ်ပြန့်လာသည်။
Public Service Announcement
ထိုအပြင် ဒီဇင်ဘာ၁၇ ရက်နှင့်ယနေ့နံနက် အစောပိုင်းတွင်လည်း သထုံခရိုင် ဘီးလင်းမြို့နယ် ကြသောင်းဆိပ်ကျေးရွာရှိ စစ်ကောင်စီလက်အောက်ခံတပ်စခန်းတစ်ခုကို ကရင်အမျိုးသားလွတ်မြောက်ရေးတပ်မတော် (KNLA)နှင့်ပြည်သူ့ကာကွယ်ရေးတပ်ဖွဲ့(PDF) ပူးပေါင်းအဖွဲ့က တိုက်ခိုက်သိမ်းပိုက်ခဲ့သည်။
