တနင်္သာရီတိုင်း ပုလောမြို့နယ်ရှိ ပုလောပြည်သူ့ကာ ကွယ်ရေးတပ်မတော်(PDF)၊ PRDFအဖွဲ့ နှင့် အကြမ်းဖက်စစ်ကောင်စီ၊ပျူစောထီးပူးပေါင်း အဖွဲ့များနှင့် တိုက်ပွဲဖြစ်ရာ ပျူစောထီးများ ထွက်ပြေးခဲ့ကြောင်း ပုလော PDF မှ တာဝန်ရှိသူတစ်ဦးက လူထုနွေဦးသို့ ပြောသည်။
ဒီဇင်ဘာ ၁၈ ရက် နံနက် ၆ နာရီ မှ ၈နာရီခန့်အထိ နှစ်နာရီကြာတိုက်ပွဲသည် ပုလောကုန်းရွာသို့ ပျူစောထီးအဖွဲ့နှင့် စစ်ကောင်စီတပ်သားများ စစ်ထိုးရာမှ စတင်ခဲ့ခြင်းဖြစ်သည်။
“ပျူစောထီးတွေကို အသေခံခိုင်းပြီး ရှေ့တန်းကနေ တက်ခိုင်းတာ။စစ်တပ်က နောက်မှာနေတယ်။ ကျွန်တော် တို့လည်း ပျူတွေကို အရင်ရှင်းရတယ်။ဒါပေမယ့် ဒီကောင်တွေဘက်က ဒဏ်ရာရတဲ့သူများတော့ ထွက်ပြေးလို့ တိုက်ပွဲရပ်သွားတာ”ဟု အထက်ပါတာဝန်ရှိသူက ပြောသည်။
ယနေ့ တိုက်ပွဲ၌ ပျူစောထီးများသေဆုံး၊ဒဏ်ရာရရှိမှုကို အတည်မပြုနိုင်သေးသော်လည်း ပြည်သူ့ကာကွယ်ရေးတပ်ဖွဲ့မှ ထိခိုက်ဒဏ်ရာရရှိသူမရှိကြောင်း သိရသည်။
Public Service Announcement
အကြမ်းဖက်စစ်ကောင်စီသည် KNU တပ်မဟာ(၄)နယ်မြေ ရှိ ပုလောမြို့နယ်သို့ နိုဝင်ဘာနှင့် ဒီဇင်ဘာ လအတွင်း နှစ်ကြိမ်တိုင်း ထိုးစစ်စခဲ့သော်လည်း သေဆုံးမှုများဖြင့် တပ်ပြန်ရုပ်ခဲ့သည်။
ဒီဇင်ဘာ ၁၁ ရက်က စစ်ကောင်စီ၏ ပုလောမြို့နယ် ဒူးရင်းပင်ရှောင်ရွာတိုက်ပွဲ၌ အကြမ်းဖက်စစ်ကောင်စီတပ်သားသုံးဦးသေဆုံးကာ ၇ဦးဒဏ်ရာရခဲ့သည်။
