ဇူလိုင်-၅၊၂၀၂၆။သုည/People’s Spring
စစ်ကိုင်းတိုင်းအတွင်း ဒေသခံပြည်သူတွေ၊ တော်လှန်သပိတ်အင်အားစုတွေက လေကြောင်းအန္တရာယ်ကာကွယ်ရေးနဲ့ ကလေးသူငယ်အခွင့်အရေးဆိုင်ရာ အသိပညာပေး ဟောပြောပွဲတွေ ဒီကနေ့ (ဇူလိုင် ၅) မှာပြုလုပ်ခဲ့ပါတယ်။
ရွှေဘိုမြို့နယ်အတွင်းမှာ သပိတ်အင်အားစုတွေ စုပေါင်းပြီး ကလေးသူငယ်အခွင့်အရေးဆိုင်ရာ လက်ကမ်းစာစောင်တွေ၊ ပဋိပက္ခနဲ့ဆက်နွယ်သော လိင်ပိုင်းဆိုင်ရာ အကြမ်းဖက်မှုဆိုင်ရာ လက်ကမ်းစာစောင်တွေကို ဖြန့်ဝေပြီး အသိပညာပေး ဟောပြောခဲ့ပါတယ်။
အဲဒီလှုပ်ရှားမှုကို အမျိုးသမီး၊လူငယ်နဲ့ကလေးသူငယ်ရေးရာဌာန ရွှေဘိုမြို့နယ်တာဝန်ခံနဲ့ အတူ ရွှေဘိုမြို့နယ်သပိတ်အင်အားစု၊ ရွှေဘိုမြို့နယ်အမျိုးသမီးမဟာမိတ်အင်အားစု(WAB) ရဲဘော်တွေ ပူးပေါင်းပြုလုပ်ခဲ့ပါတယ်။
Public Service Announcement
ဒီပဲယင်းမြို့နယ်မှာလည်း လူငယ်အဖွဲ့ Depeyin Youth Community (DYC) မှ ရဲဘော်တွေက လေကြောင်းရန်အန္တရာယ် အသိပညာပေး ဟောပြောခြင်းကို ပြုလုပ်ခဲ့ပါတယ်။
စစ်အုပ်စုဟာ ပြည်သူလူထု သေကြေပျက်စီးဖို့ ရည်ရွယ်ချက်ရှိရှိနဲ့ အရပ်သားပစ်မှတ်တွေကို လေကြောင်းတိုက်ခိုက်မှုတွေ ပိုပိုလုပ်ဆောင်လာတဲ့အတွက် လေကြောင်းအန္တရာယ်မှကင်းဝေးစေဖို့ ကြိုတင်ကာကွယ်ရေးနဲ့ လေကြောင်းတိုက်ခိုက်မှုအတွင်း ဆောင်ရန်၊ ရှောင်ရန်တွေကို အသိပညာပေးဟောပြောခဲ့ပါတယ်။
