အထူးဒေသ(၁)မုံးကိုးခရိုင် ဖောင်းဆိုင်ဒေသရှိ မြန်မာအမျိုးသားဒီမိုကရက်တစ်မဟာမိတ်တပ်မတော် MNDAA(ကိုးကန့်)၏ မန်ရန်တပ်စခန်းကို အာဏာသိမ်းစစ်ကောင်စီတပ်က ဒီဇင်ဘာ ၁၉ ရက်တွင် လေကြောင်း၊ကုန်ကြောင်းမှအပြင်အထန် တိုက်ခိုက်ခဲ့သော်လည်း MNDAAတပ်ဖွဲ့ဝင်များ၏ ခုခံတိုက်ခိုက်မှုကြောင့် စစ်ကောင်စီတပ်ဖွဲ့ဝင် ၁၀၀ခန့်သေဆုံး၊ထိခိုက်ခဲ့ပြီး လက်နက်ခဲယမ်းများစွာ သိမ်းဆည်းနိုင်ခဲ့ကြောင်း ယနေ့ညတွင်ထုတ်ပြန်လိုက်သည်။
မန်ရန်တပ်စခန်းကိုစစ်ကောင်စီတပ်က လက်နက်ကြီး အမြောက် ၁၅၀၀ ကျော်ပစ်ခတ်ခြင်း၊ လေကြောင်း တိုက်လေယာဉ်များဖြင့်ဗုံးကြဲခြင်း၊စစ်ကောင်စီ တပ်မ ၉၉ လက်အောက်ခံတပ်ရင်း၁၅၊၅၉၊၁၅၊ ၇၉၊ ၁၁၃နှင့် တပ်မ ၇၇ လက်အောက်ခံ၃၁၃ တပ်ရင်းများမှ စစ်သားအင်အား ၅၀၀ ကျော်စုဝေးပြီး ဒီဇင်ဘာ ၁၉ရက်တစ်နေ့လုံး မန်ရန်တပ်စခန်းကိုသိမ်းပိုက်နိုင်ရန် ၁၀ ကြိမ်တိုင်ထိုးစစ်ဆင်ခဲ့သည်ဟု MNDAA၏ထုတ်ပြန်ချက်တွင်ဖော်ပြထားသည်။
သို့သော် MNDAA(ကိုးကန့်) တပ်ဖွဲ့ဝင်များ၏ ခုခံတိုက်ခိုက်မှုကြောင့် စစ်ကောင်စီဘက်ထိခိုက်ဒဏ်ရာသေဆုံးသူ(၁၀၀)နီးပါးရှိခဲ့သည်ဟုလည်း ပါရှိသည်။
“စစ်မြေပြင်တွင် သယ်ယူရန် နောက်ကျလွန်းသည့် အလောင်းအများအပြားအပြင် အခြားစစ်သား ၈၃ ဦးကို မုံးကိုမြို့သို့ ပို့ဆောင်ခဲ့ပြီး သယ်ယူပို့ဆောင်ရေးတွင် နောက်ထပ် ၃ ဦး သေဆုံးခဲ့သည်” ဟု MNDAA ကထုတ်ပြန်သည်။
Public Service Announcement
