မြစ်ကြီးနားမြို့ မနောင်ကွင်း၌ ဖက်ဆစ်စစ်တပ်မှ ဦးဆောင်ကျင်းပခဲ့သော ခရစ္စမတ်ပွဲအား ရှုတ်ချကြောင်း Kachin State Civilian Movement၊ All Kachin Youths Union(AKYU)၊ မြစ်ကြီးနားတက္ကသိုလ်ကျောင်းသားသမဂ္ဂ၊ Kachin Literatural and Cultural Association(Universities)၊ NDEN Debate Society ၊ကချင်စာပေနှင့် ယာဉ်ကျေးမှုတက္ကသိုလ်များ(မြစ်ကြီးနား) စသည့် ကချင်လူငယ်နှင့် ကျောင်းသားအဖွဲ့များက ဒီဇင်ဘာ ၂၁ရက်တွင် သဘောထား ထုတ်ပြန်ခဲ့သည်။
ဒီဇင်ဘာ ၁၇ရက်က ဖက်ဆစ်စစ်တပ်က ဦးဆောင်ကျင်းပခဲ့သည့် ခရစ္စမတ်ပွဲတွင်ပါဝင်ခဲ့သော အဖွဲ့အစည်း များနှင့် လူပုဂ္ဂိုလ်များအနေဖြင့် ပြည်သူလူထုများကို မတရား ဖမ်းဆီးနှိပ်စက် သတ်ဖြတ်နေသည့် ဖက်ဆစ်စစ် တပ်နှင့် ပူးပေါင်း၍ မနောင်ကွင်းတွင် မည်သို့သော အကြောင်းကြောင်းဖြင့် ပွဲလန်းသဘင်များ အခမ်းအနားများ ပြုလုပ်ကျင်းပခြင်းအား ကချင်လူငယ် ကျောင်းသားအဖွဲ့များမှ ကန့်ကွက်ရှုတ်ချသည်ဟု ဖော်ပြထားသည်။
