လေးမျက်နှာမြို့မှာ ရေကာတာကျိုးလို့ ရပ်ကွက်နဲ့ကျေးရွာတွေ အရေးပေါ်ရွှေ့ပြောင်း

ဇူလိုင် ၃၀၊ ၂၀၂၆။ဟာနာဆန်/People’s Spring

ဧရာဝတီတိုင်း၊ လေးမျက်နာမြို့မှာ ငဝန်မြစ် ရေကာတာကျိုးလို့ ရပ်ကွက်နဲ့ကျေးရွာ ၆ ခုထက်မနည်း အရေးပေါ်ရွေ့ပြောင်းနေရပါတယ်။

မနေ့က ဇူလိုင် ၃၀ ရက် နေ့လယ် ၂ နာရီခွဲခန့်က ဧရာဝတီတိုင်း၊ လေးမျက်နှာမြို့နယ်၊ သခွက်ချောင်းကျေးရွာအုပ်စု၊ မြစ်ကျိုးကျေးရွာမှာ အမြင့် ၁၈ ပေ ရှိတဲ့ တာမိုင်အမှတ်(၂၅/၃)မှာ သဲဗွက်တစ်ခုဖြစ်ပေါ်ပြီး တာနိမ့်ဆင်းမှုဖြစ်ပွားခဲ့တာလို့ သိရပါတယ်။

အဲဒီနောက် တာတွေထပ်မနိမ့်လာအောင် တုတ်ရိုက်တာ၊ကျောက်ချတာ၊ သဲမြေဖို့တာ၊ သဲအိတ်စီတာတွေ လုပ်နေတုန်းမှာပဲ ည ၁၁ နာရီခန့်မှာတော့ အဲဒီငဝန်မြစ်ရေကာတာဟာ အလျား ပေ ၅၀ ပေခန့်အကျယ်ရှိ တာကျိုးသွားခဲ့ကြောင်း မီးသတ်က ဆိုပါတယ်။

Public Service Announcement

“ည ၁နာရီကျော်ကတည်းက ရေကျော်နေတာ။”လို့ ​ဒေသခံတစ်ဦးက ပြောပါတယ်။

အဲဒီ ရေကာတာကျိုးပေါက်မှုကြောင့် ရေဝင်ရောက်မှုဖြစ်ပွားနေတဲ့ အမှတ်(၃)ရပ်ကွက်၊ အမှတ်(၄)ရပ်ကွက်၊ အမှတ်(၅)ရပ်ကွက်၊ ဂျမ်းကုန်းကျေးရွာ၊ ကျွန်းတဲကျေးရွာနဲ့ ကွမ်းခြံကုန်းကျေးရွာတွေက ပြည်သူတွေဟာ အရေးပေါ် ရွှေ့ပြောင်းနေတယ်လို့ သိရပါတယ်။