ကနီမြို့နယ်ရှိဆီဆိုင်ဗုံးကြဲခံရပြီးတစ်ဦးသေဆုံး ၊၁၀ဦးထက်မနည်းထိခိုက်

သြဂုတ် – ၂ ၊၂၀၂၆ /People’s Spring

အာဏာသိမ်းစစ်တပ်ရဲ့အနောက်မြောက်တိုင်းစစ်ဌာနချုပ်အခြေစိုက်ရာ မုံရွာမြို့ နဲ့ မိုင် ၃၀ ခန့်အကွာမှာရှိတဲ့ကနီမြို့နယ်ထဲကယာကြီးရွာရှိ စက်သုံးဆီဆိုင်ကိုမနေ့ (သြဂုတ်လ ၁ ရက်)နေ့ခင်းပိုင်းမှာလေကြောင်းတိုက် ခိုက်တာကြောင့် အရပ်သားအမျိုးသားတစ်ဦး သေဆုံးသွားတယ်လို့ နယ်ခံအချို့ဆီကသိရပါတ​ယ်။

မုံရွာ – ယာကြီး – မင်းကင်း – ကလေးဝ ကားလမ်းပေါ်မှာရှိတဲ့ စက်သုံးဆီဆိုင်ကိုသြဂုတ်၁ရက် နေ့ခင်းပိုင်း ၃ နာရီဝန်းကျင်မှာ စက်တပ်လေထီး အပြင်တိုက်လေယာဉ်နဲ့ ပါဗုံးကြဲတာပါ။

အဲဒီလေကြောင်းတိုက်ခိုက်မှုအတွင်းအသက် ၅၀ကျော်အရွယ် အမျိုးသား တစ်ဦးနေရာမှာတင်သေဆုံးသလိုအရပ်သား ၁၀ဦးထက််မနည်းထိခိုက်ဒဏ်ရာရသွားတယ်လို့ နယ်ခံအချို့ကပြောပါတယ်။

Public Service Announcement

“သေဆုံးသူကခရီးသွားပြည်သူပါ”လို့ နယ်ခံတစ်ဦးက ဆိုပါတယ်။

အရပ်သားထိခိုက်သေဆုံးမှုအပြင်ဓာတ်ဆီဆိုင်ဘေးမှာရပ်နားထားတဲ့ဆီတင်ဘောက်ဆာကားတစ်စီးနဲ့ကုန်ကားတစ်စီးမီးလောင်ခဲ့သလိုလူနေအိမ်အချို့လည်းပျက်စီးသွားပါတယ်။

အာဏာသိမ်းစစ်တပ်အတွက်ဝါဒဖြန့် နေတဲ့တယ်လီဂရမ်အချို့မှာတော့ စစ်တပ်လက်လွှတ်ထားရတဲ့ စစ်ကိုင်းတိုင်းထဲကနယ်မြေတွေမှာရှိတဲ့စက်သုံးဆီဆိုင်တွေ၊ ရွှေနဲ့ ရေနံတူးဖော်ရာဒေသတွေကို ဗုံးကြဲ ဖို့ လှုံ့ဆော်တာတွေရှိနေပါတယ်။

စက်သုံးဆီဆိုင်တွေက PDF တွေအတွက်လောင်စာဆီ ရသလို သယံဇာတတူးဖော်ရာဒေသတွေကလည်း PDF တွေ ဝင်ငွေရနေတာလို့ စစ်တပ်ဝါဒဖြန့် တယ်လီဂရမ်ချန်နယ်တွေက စွပ်စွဲပြီး ဗုံးကြဲဖျက်ဆီးဖို့ လှုံ့ဆော်နေကြတာပါ။