စက်တင်ဘာ-၁၄၊၂၀၂၆။ တေဇ/People’s Spring
နှစ်ရက်အတွင်းမှာ DEMU အမြန်ရထားတွေနဲ့ ရုတ်တရက်လမ်းဖြတ်ကူးတဲ့ ယာဉ်တွေတိုက်မိပြီး သေဆုံးသူလေးဦးရှိတယ်လို့ မြန်မာ့မီးရထားက အသိပေးထားပါတယ်။
ဒီနေ့ (စက်တင်ဘာ ၁၄) နေပြည်တော်ကနေ နေ့လည် ၁၂ ခွဲထွက်လာတဲ့ အမှတ် ၈ အစုန် DEMU အမြန်ရထားက ပြွန်တန်ဆာနဲ့ ပဲခူးဘူတာကြားမှာ တရားမဝင်လမ်းကူးကနေ ရုတ်တရက် ဖြတ်လာတဲ့ ထွန်စက်နဲ့ တိုက်မိခဲ့ပါတယ်။
ဒီယာဉ်တိုက်မှုကြောင့် ရထားအရှေ့ပိုင်းပျက်ဆီးခဲ့သလို ထွန်စက်လည်း နှစ်ပိုင်းပြတ်သွားပြီး ထွန်စက်ပေါ်မှာလိုက်ပါလာသူ နှစ်ဦးစလုံး သေဆုံးသွားတယ်လို့ သိရပါတယ်။
Public Service Announcement
“တရားမဝင်ရထားလမ်းဖြတ်ကျော်လမ်းကူးတွေကို အပြီးပိတ်ပစ်သင့်တယ်၊အလွယ်လိုက်တော့ ဘယ်သူ့အတွက်မှ အကျိုးမရှိဘူး။” လို့ ပြည်သူတစ်ဦးကအကြံပြုထားပါတယ်။
မနေ့က(စက်တင်ဘာ၁၃)လည်း ရန်ကုန်က မနက် ၇ နာရီထွက်တဲ့ အမှတ် ၅ အဆန် DEMU အမြန်ရထားနဲ့ ရထားလမ်းကို ရုတ်တရက်ဖြတ်တဲ့ ဘေးတွဲဆိုင်ကယ်တို့တိုက်ခဲ့ပါတယ်။
ဒီယာဉ်တိုက်မှုကြောင့် ရထားပျက်စီးခဲ့သလို ဘေးတွဲဆိုင်ကယ်လည်း ကြေမွခဲ့ပြီး ဘေးတွဲဆိုင်ကယ်စီးလာတဲ့ သံဃာတစ်ပါးနဲ့ ကိုရင်တစ်ပါး ပျံလွန်တော်မူခဲ့ပါတယ်။
DEMU ရထားတွေရဲ့ အရှိန်က ပုံမှန်ရထားတွေထက် မြန်ဆန် တာကြောင့် လမ်းကူးမယ့်သူတွေအနေနဲ့ မပေါ့ဆသင့်ပဲ စည်းကမ်းလိုက်နာသင့်တယ်လို့ ပြည်သူတွေအချင်းချင်းအကြံပြုထားကြပါတယ်။
