Connect with us

Hi, what are you looking for?

နိုင်ငံတကာ

ဘန်ကောက်မှာရေဘေးကြုံနေရချိန် ဂျက်စကီးစီးပြတဲ့အမျိုးသားဖမ်းခံရ၊ ဗီဒီယို ကူရိုက်ပေးတဲ့အမျိုးသားလည်း ကြံရာပါအဖြစ်ထိန်းသိမ်းခံရ

ထိုင်းနိုင်ငံ၊ ဘန်ကောက်မြို့တော်က ရေကြီးနေတဲ့ လမ်းမကြီးတစ်ခုမှာ ရေပေါ်လျှပ်ပြေးဆိုင်ကယ် (ဂျက်စကီး) လျှောက်စီးနေတဲ့ အမျိုးသား အဖမ်းခံလိုက်ရပါတယ်။

စက်တင်ဘာ – ၂၈ ၊၂၀၂၆

ထိုင်းနိုင်ငံ၊ ဘန်ကောက်မြို့တော်က ရေကြီးနေတဲ့ လမ်းမကြီးတစ်ခုမှာ ရေပေါ်လျှပ်ပြေးဆိုင်ကယ် (ဂျက်စကီး) လျှောက်စီးနေတဲ့ အမျိုးသား အဖမ်းခံလိုက်ရပါတယ်။

ဘန်ကောက်ရဲ့ ရေလွှမ်းနေတဲ့ ဖက်ချာဘူရီ လမ်းမကြီးပေါ်မှာ ဂျက်စကီးတစ်စီး ဟိုဟိုဒီဒီ လှည့်လည်မောင်းနှင်နေတဲ့ ဗီဒီယိုဟာ လူမှုကွန်ရက်ပေါ်မှာ အတော်လေး လူပြောများခဲ့ပါတယ်။ ဒါပေမဲ့ အဲဒီ ဂျက်စကီး ပိုင်ရှင်ဟာ စက်တင်ဘာ ၂၇ ရက်နေ့မှာတော့ အဖမ်းခံခဲ့ရပါတယ်။

ဗီဒီယိုထဲမှာတော့ သူဟာ ဂျက်စကီးကို ခပ်ကြမ်းကြမ်း ချိုးကွေ့တာမျိုး အစွမ်းပြပြီး စီးနင်းနေတာကြောင့် လူအများရဲ့ စိတ်ဝင်စားမှုကို ရရှိခဲ့ပါတယ်။ တစ်ဖက်မှာလည်း အနီးတဝိုက်မှာ နေထိုင်သူတွေက သူ့ရဲ့လုပ်ရပ်က စိတ်အနှောင့်အယှက် ဖြစ်စရာ ကောင်းတယ်ဆိုပြီး ရဲတိုင်ခဲ့တာကြောင့် အသက် ၂၈ နှစ်အရွယ် အမျိုးသားဟာ အဖမ်းခံခဲ့ရတာ ဖြစ်ပါတယ်။

Public Service Announcement

Public Service Announcement

ဆွန်ကီယက်ဆီရီဆိုတဲ့ Facebook အကောင့်ပိုင်ရှင်ဟာ BKK Driftလို့ အညွှန်းစာ တပ်ထားတဲ့ ဗီဒီယို တစ်ခုမှာ ရေဖုံးနေတဲ့လမ်းပေါ် ဂျက်စကီး စီးနေပုံကို စတင် ဝေမျှခဲ့ပါတယ်။ သူ့ရဲ့ ဂျက်စကီးက အရှိန်နဲ့ မောင်းသွားတဲ့အခါ ပလက်ဖောင်းတွေ၊ လူသွားစင်္ကြံ တံတားတွေနဲ့ လမ်းဘေး နံရံတွေကို ရေတွေ စဉ်ကုန်တာ တွေ့ရပါတယ်။ တချို့ကားတွေက ရေလွှမ်းနေတဲ့လမ်းကို ဖြတ်မောင်းဖို့ ကြိုးစားရင်း တချို့ကားတွေကတော့ အင်ဂျင်ထဲ ရေဝင်လို့ ထိုးရပ်ထားရတဲ့ အချိန်မှာ သူက ဂျက်စကီးနဲ့ အစွမ်းပြနေခဲ့တာပါ။

အခုတော့ မက္ကာဆန်မြို့နယ် ရဲတပ်ဖွဲ့က အဲဒီဂျက်စကီးသမားကို အများပြည်သူ အနှောင့်အယှက် ဖြစ်စေမှု၊ ယာဉ်ကြော အနှောင့်အယှက် ဖြစ်စေမှုတွေနဲ့ ဖမ်းဆီးထားပါတယ်။ သူ့ရဲ့ နာမည်ကိုတော့ ရဲတွေက မထုတ်ပြန်ပါဘူး။ ဗီဒီယို ကူရိုက်ပေးခဲ့သူ အမျိုးသားကလည်း ကြံရာပါအဖြစ် အထိန်းသိမ်း ခံခဲ့ရပါတယ်။

ကနဦး စုံစမ်းမေးမြန်းမှုတွေမှာတော့ ဂျက်စကီးသမားက သူဟာ နိုင်ငံရပ်ခြားမှာ ဘွဲ့ရခဲ့သူဖြစ်ပြီး အခုလိုလုပ်တာက ထိုင်းမှာ ပြစ်မှုမြောက်မှန်း မသိဘူးလို့ ထွက်ဆိုထားပါတယ်။ သူက ခက်ခဲနေတဲ့ ကာလမှာ လူတွေ သဘောကျ ပျော်ရွှင်အောင် လုပ်ပေးချင်တဲ့ ဆန္ဒပဲ ရှိခဲ့တယ်လို့လည်း ပြောပါတယ်။

လောလောဆယ်တော့ ရဲတွေက ဂျက်စကီးကိုလည်း ထိန်းသိမ်းထားပြီး အဲဒီသိမ်းဆည်းမှု တရားဝင်စေဖို့ တရားရုံး ခွင့်ပြုချက် တောင်းခံသွားမယ်လို့လည်း သိရပါတယ်။

ဆက်စပ်သတင်းများ

သတင်း

နယ်စပ်တိုက်ပွဲ​တွေ ပြင်းထန်​လာလို့ယာယီခိုလှုံဖို့စခန်း​၄ခုမယ်ဟောင်ဆောင်မှာပြင်ဆင်

သတင်း

မြန်မာရွှေ့ပြောင်း အလုပ်သမားတွေရဲ့ အခွင့်အရေးအတွက် တက်ကြွလှုပ်ရှားတောင်းဆိုသူ တစ်ဦးအဖြစ် ထင်ရှားတဲ့ဆူရတ် (ဝီရဆဲန်ထောင်) ကို ထိုင်းတရားရုံး တစ်ခုက ဖမ်းဝရမ်း ထုတ်လိုက်တယ်လို့ ထိုင်းသတင်းဌာန​တွေက​ဖော်ပြပါတယ်။

သတင်း

ထိုင်းမှာတရားဝင် နိုင်ငံခြားသားအလုပ်သမား ၄.၂ သန်းကျော်ရှိပြီး မြန်မာနိုင်ငံသားက ၃.၃၃ သန်းကျော်ရှိ​​

သတင်း

မြန်မာဖက်ခြမ်းနယ်စပ်မှာ ဖြစ်နေတဲ့ တိုက်ပွဲတွေဟာမြန်မာ့ပြည်တွင်းရေးသာဖြစ်ပြီး ထိုင်းရဲ့ လုံခြုံရေးဆိုင်ရာ အခြေအနေတွေကိုတော့ကောင်းကောင်းထိန်းချုပ်ထားနိုင်ကြောင်း ထိုင်းတော်ဝင်ကြည်းတပ်က ထုတ်ပြန်ခဲ့ပါတယ်။