Connect with us

Hi, what are you looking for?

နိုင်ငံတကာ

ရေကြီးလာလို့ထိုင်းဘုရားကျောင်းတစ်ခုမှာမွေးထားတဲ့မိကျောင်းကြီးကို အရေးပေါ် ပြောင်းရွှေ့

ထိုင်းက ဘုရားကျောင်း တစ်ခုမှာရှိတဲ့ မိကျောင်းကြီးတစ်ကောင် ရေကြီးလာချိန် လွတ်သွားမှာစိုးလို့ တာဝန်ရှိသူတွေက နေရာရွှေ့ပြောင်းပေးထားရကြောင်း သိရပါတယ်။

ဓာတ်ပုံ - The Nation

စက်တင်ဘာ – ၂၈ ၊ ၂၀၂၆

ထိုင်းက ဘုရားကျောင်း တစ်ခုမှာရှိတဲ့ မိကျောင်းကြီးတစ်ကောင် ရေကြီးလာချိန် လွတ်သွားမှာစိုးလို့ တာဝန်ရှိသူတွေက နေရာရွှေ့ပြောင်းပေးထားရကြောင်း သိရပါတယ်။

ပရာချင်ဘူရီမှာ ရေကြီးရာကနေ ဝတ်ဖိုသောင် ဗုဒ္ဓဘာသာ ဘုရားကျောင်းမှာ မွေးထားတဲ့ အသက် ၂၇ နှစ်အရွယ် မိကျောင်းကြီးကို ထားရှိတဲ့ ခြံဝင်းထဲ ရေတွေ စတင် ဝင်ရောက်လာတာကြောင့် ဘုရားကျောင်း တာဝန်ရှိသူတွေက အဲဒီ တွားသွား သတ္တဝါကြီး လွတ်သွားမှာကို စိုးရိမ်လာပါတယ်။ ဒါကြောင့် ဌာနဆိုင်ရာ အာဏာပိုင်တွေဆီ အကြောင်းကြားပြီး မိကျောင်းကြီးကို ရွှေ့ပြောင်းပေးရေး ကူညီပေးဖို့ မေတ္တာရပ်ခံခဲ့ပါတယ်။

ရေတက်လာတဲ့ အချိန်ကျရင် မိကျောင်းကြီးဟာ အနီးမှာရှိတဲ့ ပရာချင်ဘူရီ မြစ်ထဲကို လွတ်မြောက်သွားနိုင်တာကြောင့်လည်း အခုလို အပူတပြင်း ရွှေ့ပြောင်းဖို့ လိုအပ်လာတာပါ။ စက်တင်ဘာ ၂၇ ရက်နေ့မှာတော့ ဒေသခံ ရေလုပ်ငန်းဌာန၊ ကယ်ဆယ်ရေး အဖွဲ့တွေနဲ့ စေတနာ့ဝန်ထမ်းတွေရဲ့ အကူအညီနဲ့ မိကျောင်းကြီးကို ရွှေ့ပြောင်းနိုင်ခဲ့ကြောင်း ပရာချင်ဘူရီရဲ့ ဆီမဟာဖို မြို့နယ် အုပ်ချုပ်ရေးမှူး ဂျူသာမက်စ် ဘွာဖူအန်းက ပြောကြားခဲ့ပါတယ်။

Public Service Announcement

Public Service Announcement

နွမ်သောင်လို့ နာမည်ပေးထားတဲ့ မိကျောင်းကြီးရဲ့ မေးရိုးနဲ့ ခြေလက်တွေကို မလှုပ်ရှားနိုင်တာ သေချာအောင် ကြိုးတွေနဲ့ အရင်ချည်ပြီးတဲ့နောက် ကရိန်းကား တစ်စီးကို သုံးပြီး ထရပ်ကား တစ်စီးပေါ် တင်ခဲ့ပါတယ်။ အဲဒီနောက်မှာတော့ ၁၃ ပေလောက်ရှည်တဲ့ သားရဲကြီးကို ၁၂ မိုင်လောက် ဝေးလံတဲ့ တခြားသင့်တော်ရာ တစ်နေရာဆီကို ယာယီ ရွှေ့ပြောင်းထားလိုက်ပါတယ်။

ဝတ်ဖိုသောင် တဝိုက်မှာ ရေကလေးပေခွဲလောက်ထိ တက်လာတာကြောင့်လည်း မိကျောင်းကြီးကို ပြောင်းရွှေ့ဖို့ လိုအပ်ခဲ့တာ ဖြစ်ပါတယ်။

အခြေအနေတွေ ပိုဆိုးမလာခင် မိကျောင်းကြီးကို အချိန်မီ ပြောင်းရွှေ့ထားနိုင်ခဲ့တဲ့အတွက် စိတ်သက်သာရ ရမိကြောင်း ဘုရားကျောင်းရဲ့ ကျောင်းထိုင် ဘုန်းတော်ကြီးက မိန့်ပါတယ်။

ထိုင်းမှာတော့ ဘုန်းကြီးကျောင်းနဲ့ ဘုရားကျောင်း တချို့မှာ ဘေးမဲ့လွှတ်ထားတဲ့၊ လာရောက်လှူဒါန်းထားတဲ့၊ ကယ်ဆယ်ထားတဲ့ တောရိုင်း တိရစ္ဆာန်တွေကို စောင့်ရှောက် မွေးမြူတတ်ကြပါတယ်။

ကိုးကား: The Nation

ဆက်စပ်သတင်းများ

သတင်း

နယ်စပ်တိုက်ပွဲ​တွေ ပြင်းထန်​လာလို့ယာယီခိုလှုံဖို့စခန်း​၄ခုမယ်ဟောင်ဆောင်မှာပြင်ဆင်

သတင်း

မြန်မာရွှေ့ပြောင်း အလုပ်သမားတွေရဲ့ အခွင့်အရေးအတွက် တက်ကြွလှုပ်ရှားတောင်းဆိုသူ တစ်ဦးအဖြစ် ထင်ရှားတဲ့ဆူရတ် (ဝီရဆဲန်ထောင်) ကို ထိုင်းတရားရုံး တစ်ခုက ဖမ်းဝရမ်း ထုတ်လိုက်တယ်လို့ ထိုင်းသတင်းဌာန​တွေက​ဖော်ပြပါတယ်။

သတင်း

ထိုင်းမှာတရားဝင် နိုင်ငံခြားသားအလုပ်သမား ၄.၂ သန်းကျော်ရှိပြီး မြန်မာနိုင်ငံသားက ၃.၃၃ သန်းကျော်ရှိ​​

သတင်း

မြန်မာဖက်ခြမ်းနယ်စပ်မှာ ဖြစ်နေတဲ့ တိုက်ပွဲတွေဟာမြန်မာ့ပြည်တွင်းရေးသာဖြစ်ပြီး ထိုင်းရဲ့ လုံခြုံရေးဆိုင်ရာ အခြေအနေတွေကိုတော့ကောင်းကောင်းထိန်းချုပ်ထားနိုင်ကြောင်း ထိုင်းတော်ဝင်ကြည်းတပ်က ထုတ်ပြန်ခဲ့ပါတယ်။

Facebook