Connect with us

Hi, what are you looking for?

သတင်း

မိုးမိတ်ကို စစ်တပ်က အင်အားတစ်ထောင်နီးပါးဖြည့်ထားလို့ တိုက်ပွဲပိုပြင်းထန်နိုင်ဟု စစ်ရေးသတင်းရင်းမြစ်ပြော

ရှမ်းပြည်နယ်မြောက်ပိုင်း မိုးမိတ်မြို့နယ်မှာ ကချင်လွတ်လပ်ရေးတပ်မတော်(KIA) ပူးပေါင်းတပ်နဲ့ စစ်တပ်အကြား တိုက်ပွဲတွေ ပိုမိုပြင်းထန်လာနိုင်ကြောင်း ကချင်စစ်ရေးသတင်းရင်းမြစ်က ပြောပါတယ်။

အောက်တိုဘာ ၃၊ ၂၀၂၆။ ထားမြတ်/People’s Spring

ရှမ်းပြည်နယ်မြောက်ပိုင်း မိုးမိတ်မြို့နယ်မှာ ကချင်လွတ်လပ်ရေးတပ်မတော်(KIA) ပူးပေါင်းတပ်နဲ့ စစ်တပ်အကြား တိုက်ပွဲတွေ ပိုမိုပြင်းထန်လာနိုင်ကြောင်း ကချင်စစ်ရေးသတင်းရင်းမြစ်က ပြောပါတယ်။

စက်တင်ဘာလကုန်ပိုင်းမှာ မိုးမိတ်မြို့အနီးရှိ စစ်တပ်စခန်း ၁ခုကို KIA ပူးပေါင်းတပ်က ထိုးစစ်ဆင်တိုက်ခိုက်သိမ်းပိုက်ပြီးနောက် စစ်တပ်ကလည်း ကားတွေနဲ့ စစ်အင်အားတွေ ဖြည့်တင်းလာတာဖြစ်ပါတယ်။

” မိုးမိတ်ဘက် စစ်ကောင်စီတွေ အင်အား တထောင်နီးပါးထပ်ဖြည့်ထားတယ်။ ဒီရက်ပိုင်းအတွင်း တိုက်ပွဲ အလွန်ပြင်းထန်လာနိုင်တယ်” လို့ ကချင်စစ်ရေးသတင်းရင်းမြစ်က လတ်တလော မိုးမိတ်ဒေသ စစ်ရေး အခြေအနေ မေးမြန်းချက်အပေါ် ပြောပါတယ်။

Public Service Announcement

Public Service Announcement

KIA စစ်ရေးသတင်းတွေ ဖော်ပြနေတဲ့ 7Stars News ကလည်း အောက်တိုဘာ ၂ရက် မှာ မိုးမိတ်ဒေသ စစ်ရေး အခြေအနေကို ဖော်ပြခဲ့ရာ KIA တပ်မဟာ(၄) တပ်ရင်(၃၄) နယ်မြေဖြစ်တဲ့ မိုးမိတ်မြို့အနီး အုန်းကြောရွာမှာ အောက်တိုဘာ ၂ရက် မနက်က တိုက်ပွဲ ပြင်းထန်ခဲ့ပြီး စစ်ကောင်စီတပ် အကျအဆုံးများခဲ့တယ်လို့ ဆိုပါတယ်။

KIA တပ်တွေ နေရာယူထားတဲ့ဘက်ကို စစ်တပ်က အင်အားစုဖွဲ့ ချဉ်းကပ်လာလို့ တိုက်ပွဲပြင်ထန်ခဲ့ရာ စစ်တပ်က လေကြောင်းပစ်ကူပေး တိုက်ခိုက်ပြီး ထိခိုက်ကျဆုံးသူတွေကို ကယ်ထုတ်သွားတာလို့ အသိပေးထားပါတယ်။

KIA ဟာ စက်တင်ဘာ ၂၈ရက်နဲ့ ၂၉ရက်မှာ မိုးမိတ်မြို့အနီးက စစ်တပ်စခန်းတွေဖြစ်တဲ့ ရွှေမင်းတင်ကုန်းစခန်း၊ ညောင်နီကုန်းစခန်းနဲ့ ရှုမျှော်သာတပ်စခန်းနေရာတွေကို တိုက်ခိုက်သိမ်းပိုက်ရှင်းလင်းခဲ့တယ်လို့ ဆိုပါတယ်။

KIA သတင်းရင်းမြစ်အချို့ကလည်း စစ်တပ်က မိုးမိတ်မြို့ကို စစ်အင်အားဖြည့်တင်းထားကြောင်း အသိပေးထားပါတယ်။ မိုးမိတ်က တပ်စခန်းအချို့ KIA သိမ်းပိုက်ခဲ့ပြီးနောက် အောက်တိုဘာ ၁ရက်မှာ မန္တလေးကလာတဲ့စစ်ကူကား ၃၆စီး မိုးမိတ်မြို့ကို ရောက်ရှိခဲ့တယ်လို့ KIA စစ်ဘက်သတင်းရင်းမြစ်အချို့က အသိပေးထားတာပါ။

ဒါ့အပြင် KIAနဲ့ စစ်တပ် လက်အောက်ခံတပ်တွေဟာ ကချင်ပြည်နယ် ခေါင်လန်ဖူးဒေသ၊ မိုးညှင်းမြို့နယ် အင်းတော်ကြီးဒေသ နဲ့ ဗန်းမော်မြို့နယ်တို့မှာလည်း စက်တင်ဘာလကုန်ပိုင်းအတွင်း တိုက်ပွဲတွေ ပြင်းထန်ခဲ့ပါတယ်။ အင်းတော်ကြီးဒေသနဲ့ ခေါင်လန်ဖူးဒေသ တိုက်ပွဲတွေမှာ စစ်တပ်နဲ့ လက်အောက်ခံ ပြည်သူ့စစ်တွေထိခိုက်ကျဆုံးမှုများခဲ့တယ်လို့လည်း KIA ဘက်က အသိပေးထားပါတယ်။

ဆက်စပ်သတင်းများ

သတင်း

စစ်ကြောင်း မိုင်းဆွဲခဲ့ရပြီးနောက် တဲကြီးရွာကို မီးဝင်ရှို့

ဆောင်းပါး

"ရှေ့ဆောင် နွား ဖြောင့်ဖြောင့်သွားက နောက်နွား တစ်သိုက် ဖြောင့်ဖြောင့် လိုက်၏" တဲ့။

သတင်း

ကရင်ပြည်နယ်၊ ကော့ကရိတ်မြို့နယ်က စစ်တပ် တပ်စွဲရာ နေရာ ၃ခုကို ဒရုန်းနဲ့ တိုက်ခိုက်ခဲ့ကြောင်း ရာမညမွန်တပ်တော်(RMA)က သတင်းထုတ်ပြန်ပါတယ်။

သတင်း

မကွေးတိုင်း၊ မင်းတုန်းအနောက်ခြမ်းက အာဏာသိမ်းစစ်တပ်ရဲ့ ပွိုင့်ကုန်းစခန်းတွေကို တော်လှန်ရေးတပ်တွေက တန်ပြန်ထိုးစစ်ဆင်နေတယ်လို့ မြေပြင်စစ်ရေး သတင်းရင်းမြစ်တချို့က လူထုနွေဦးကို ပြောပါတယ်။