Connect with us

Hi, what are you looking for?

နိုင်ငံတကာ

ထိုင်းမှာ ရေကြီးမှုတွေကြောင့် သေဆုံးသူ ၃၀ ကျော်လာ၊ မိုးဆက်ရွာနိုင်သေးတယ်လို့ သတိပေးထား

ထိုင်းမှာ စက်တင်ဘာ လလယ်ကစလို့ ရေကြီးမှုတွေကြောင့် သေဆုံးသူ ၃၀ ကျော်ထိ မြင့်တက်လာသလို အာဏာပိုင်တွေက နောက်ထပ်လည်း မိုးသည်းသည်းထန်ထန် ရွာသွန်းမှုတွေ ဖြစ်ပေါ်လာနိုင်သေးကြောင်း သတိပေးထားပါတယ်။

ဓာတ်ပုံ - AP

ထိုင်းမှာ စက်တင်ဘာ လလယ်ကစလို့ ရေကြီးမှုတွေကြောင့် သေဆုံးသူ ၃၀ ကျော်ထိ မြင့်တက်လာသလို အာဏာပိုင်တွေက နောက်ထပ်လည်း မိုးသည်းသည်းထန်ထန် ရွာသွန်းမှုတွေ ဖြစ်ပေါ်လာနိုင်သေးကြောင်း သတိပေးထားပါတယ်။

အောက်တိုဘာ ၅ ရက်ကနေ ၇ ရက်နေ့ထိ ထိုင်းနိုင်ငံ အနှံ့မှာ မိုးသည်းထန်တာ၊ လေပြင်းတိုက်ခတ်တာ၊ မိုးကြိုးမုန်တိုင်းတွေ ဖြစ်ပေါ်တာမျိုး ရာသီဥတု အခြေအနေတွေ ပေါ်ပေါက်လာနိုင်တယ်လို့ မိုးလေဝသ ဌာနက ခန့်မှန်းထားပြီး မြေနိမ့်ဒေသတွေမှာ ရေကြီးမှုတွေ ကြုံလာနိုင်တယ်လို့လည်း ထုတ်ပြန်ထားပါတယ်။

ဌာနရဲ့ အဆိုအရ မြို့တော်ဘန်ကောက် အပါအဝင် ထိုင်းနိုင်ငံ အလယ်ပိုင်း၊ အရှေ့ပိုင်းနဲ့ တောင်ပိုင်း ဒေသတချို့ဟာ မိုးသည်းထန်တာ၊ ဒါမှမဟုတ် အလွန်မိုးသည်းထန်တာမျိုး အခြေအနေတွေ ကြုံနိုင်တယ်လို့လည်း သိရပါတယ်။

လွန်ခဲ့တဲ့ တစ်ပတ်လောက်တုန်းက ဘန်ကောက်မှာ နေ့စဉ်ရက်ဆက် ရွာသွန်းတဲ့မိုးကြောင့် မြို့အစိတ်အပိုင်း အများအပြား ရေမြုပ်ကုန်သလို လူပေါင်း ထောင်သောင်းချီ ရွှေ့ပြောင်းခဲ့ရပြီး ပို့ဆောင်ဆက်သွယ်ရေးဆိုင်ရာ အကျပ်အတည်းတွေလည်း ပေါ်ပေါက်ခဲ့ပါတယ်။ အခုတော့ မြေနိမ့်ပိုင်း နေရာတချို့ကလွဲရင် တစ်မြို့လုံးရဲ့ အခြေအနေက အများကြီး ပြန်လည် ကောင်းမွန်နေပြီ ဖြစ်ပါတယ်။

Public Service Announcement

Public Service Announcement

ဘန်ကောက် ရေကြီးမှုတွေအပြီး အာဏာပိုင်တွေဟာ အနာဂတ်မှာ အလားတူ အခြေအနေမျိုး မကြုံရစေဖို့အတွက် အရေးပေါ် အစီအမံတွေကို ပြင်ဆင်နေပြီး မြို့ရဲ့ အဓိက တူးမြောင်းတွေက မိုးရေကို ပိုမိုသိုလှောင်စီးဆင်းနိုင်အောင် ဆောင်ရွက်တာ၊ ရေကြီးနိုင်ခြေ မြင့်မားတဲ့ နေရာတွေမှာ ရေစုပ်စက်တွေ ပိုမိုထားရှိတာတွေ လုပ်ဆောင်နေပါတယ်။

ဘေးအန္တရာယ် တားဆီးလျှော့ချရေး ဌာနရဲ့ အဆိုအရ ပြည်နယ် ၈ ခုမှာ ရေကြီးမှုတွေနဲ့ ဆက်စပ်ပြီး သေဆုံးသူ ၃၁ ဦး ရှိလာကြောင်း သိရပါတယ်။ ၄ ဦးကတော့ ဘန်ကောက်မှာ သေဆုံးခဲ့တာ ဖြစ်ပါတယ်။ တစ်နိုင်ငံလုံး အတိုင်းအတာနဲ့ ရေကြီးမှု ဒဏ်တွေကို သက်ရောက်ခံစားရသူ ဦးရေကလည်း ၃ သန်းခွဲကျော် ရှိတယ်လို့ ဆိုပါတယ်။

ရေကြီးမှုတွေ အခြေအနေ ဆိုးလာတဲ့နောက် ထိုင်းအစိုးရဟာ အရေးပေါ် အခြေအနေ စီမံခန့်ခွဲရေး ရန်ပုံငွေထဲက ဘတ် ၄.၁ ဘီလီယံကျော်၊ တစ်နည်းအားဖြင့် ဒေါ်လာ ၁၂၂ သန်းကျော်ကို ပြန်လည် ထူထောင်ရေးအတွက် ထုတ်နုတ် သုံးစွဲခွင့် ပြုခဲ့ကြောင်းလည်း သိရပါတယ်။

ကိုးကား: AP

ဆက်စပ်သတင်းများ

သတင်း

နယ်စပ်တိုက်ပွဲ​တွေ ပြင်းထန်​လာလို့ယာယီခိုလှုံဖို့စခန်း​၄ခုမယ်ဟောင်ဆောင်မှာပြင်ဆင်

သတင်း

မြန်မာရွှေ့ပြောင်း အလုပ်သမားတွေရဲ့ အခွင့်အရေးအတွက် တက်ကြွလှုပ်ရှားတောင်းဆိုသူ တစ်ဦးအဖြစ် ထင်ရှားတဲ့ဆူရတ် (ဝီရဆဲန်ထောင်) ကို ထိုင်းတရားရုံး တစ်ခုက ဖမ်းဝရမ်း ထုတ်လိုက်တယ်လို့ ထိုင်းသတင်းဌာန​တွေက​ဖော်ပြပါတယ်။

သတင်း

ထိုင်းမှာတရားဝင် နိုင်ငံခြားသားအလုပ်သမား ၄.၂ သန်းကျော်ရှိပြီး မြန်မာနိုင်ငံသားက ၃.၃၃ သန်းကျော်ရှိ​​

သတင်း

မြန်မာဖက်ခြမ်းနယ်စပ်မှာ ဖြစ်နေတဲ့ တိုက်ပွဲတွေဟာမြန်မာ့ပြည်တွင်းရေးသာဖြစ်ပြီး ထိုင်းရဲ့ လုံခြုံရေးဆိုင်ရာ အခြေအနေတွေကိုတော့ကောင်းကောင်းထိန်းချုပ်ထားနိုင်ကြောင်း ထိုင်းတော်ဝင်ကြည်းတပ်က ထုတ်ပြန်ခဲ့ပါတယ်။

Facebook