အောက်တိုဘာ – ၆ ၊၂၀၂၆
စစ်ကိုင်းတိုင်း ၊ဝက်လက်မြို့နယ်အရှေ့မြောက်ဘက်ကို အာဏာသိမ်းစစ်တပ်ကအောက်တိုဘာလ ၄ ရက်မှာလေကြောင်းတိုက်ခိုက်တာကြောင့် အရပ်သား တစ်ဦး သေဆုံးပြီး နှစ်ဦး ထိခိုက်ဒဏ်ရာရရှိခဲ့တယ်လို့ ဒေသတွင်း စစ်ရေး သတင်းအရင်းအမြစ် တစ်ဦးကပြောပါတယ်။
အောက်တိုဘာ ၄ ရက် နေ့ခင်း ၃ နာရီခွဲခန့်မှာ အာဏာသိမ်းစစ်တပ်က တိုက်ခိုက်ရေးရဟတ်ယာဉ် Mi-35 နဲ့ တိုက်ခိုက်တာကြောင့် အသက် ၂၀ အရွယ် လူငယ်တစ်ဦးသေဆုံးပြီးအခြား ဒေသခံနှစ်ဦးထိခိုက်ဒဏ်ရာရတာပါ။
“မြေပြင်တိုက်ပွဲမရှိပါဘူး ၊ရွှေဘိုနဲ့ ဝက်လက်အစပ်နေရာကို လေကြောင်းကပစ်ခဲ့တာပါ”လို့ စစ်ရေးသတင်းရင်းမြစ်ကပြောပါတယ်။
Public Service Announcement
ဝက်လက်မြို့နယ် အရှေ့မြောက်ခြမ်း နဲ့ ရွှေဘို အရှေ့တောင်ခြမ်း အစပ်တစ်နေရာကို မန္တလေးတိုင်း ၊သပိတ်ကျင်းမြို့နယ် အမှတ် (၁၃) တန်းမြင့်စစ်သင်တန်းကျောင်းက တက်လာတဲ့ တိုက်ခိုက်ရေးစစ်ရဟတ်ယာဉ်က က ပစ်ခတ်တိုက်ခိုက်တာလို့ မြေပြင်အချက်အလက်ဖော်ပြပေးနေတဲ့ Wetlet Informational Network က ဓာတ်ပုံနဲ့ တကွဖော်ပြထားပါတယ်။
လက်ရှိ အောက်တိုဘာလဆန်းပိုင်း ၃ ရက်ကလည်း ဝက်လက်မြို့နယ် အနောက်ခြမ်း ၊ရွှေပန်းကုန်းရွာ ကိုတိုက်လေယာဉ်နဲ့ ဗုံးကြဲတိုက်ခိုက်ခဲ့တာရှိထားပါတယ်။
