စစ်​ကောင်စီတပ်ကို ​ချင်းဒေသခံကာကွယ်​ရေးတပ်များချုံခိုတိုက်ခိုက်ရာ စစ်​ကောင်စီတပ်သား ၁၀ဦးထပ်​သေ

ကလေးမြို့နှင့်ချင်းတောင်ကို ဆက်သွယ်ထားသည့်က​လေး-သိုင်းငင်လမ်းတွင် အကြမ်းဖက်စစ်ကောင်စီ ယာဉ်တန်းကိုဒေသခံကာကွယ်ရေးတပ်များယ​နေ့ ခြုံခိုတိုက်ရာတွင် အကြမ်းဖက်စစ်ကောင်စီတပ်သား ၁၀ ဦးထပ်မံသေဆုံးခဲ့ကြောင်း ဒေသခံကာကွယ်ရေးတပ်ဖွဲ့တစ်ခုဖြစ်သည့်Civic Defense Militia- Siyin (CDM- စီးယင်း) အဖွဲ့ကထုတ်ပြန်သည်။

အကြမ်းဖက်စစ်ကောင်စီတပ်များသည် ယနေ့မနက်ပိုင်း ၁ဝနာရီတွင် စစ်ကားကြီး ၃ စီးနှင့် စက်သေနတ်ပါ ကားသေး ၂ စီးတို့ဖြင့် ချင်းတောင်ပေါ်တက်လာရာတွင်ဒေသခံကာကွယ်ရေးတပ်များက ကြားဖြတ်တိုက်ခိုက်ခဲ့ခြင်းဖြစ်သည်။

တိုက်ပွဲအတွင်း အကြမ်းဖက်စစ်ကောင်စီတပ်ဘက်မှ အထိအခိုက်များ၍ အကြမ်းဖက်စစ်ကောင်စီယာဉ်တန်းသည် ချင်းတောင်မှ ကလေးမြို့ကို ပြန်လည် ဆင်းသွားသည်ဟု CDM (စီးယင်း) ကထုတ်ပြန်ထားသည်။

“စစ်ကားတွေ ဒီနေ့တက်လိုက်ဆင်းလုပ်နေတာတွေ့ရတယ်”ဟု ဒေသခံတစ်ဦးကလည်းပြောသည်။

Public Service Announcement

အဆိုပါတိုက်ပွဲကို ချင်းအမျိုးသားတပ်ဦး CNA ၊CDM (စီးယင်း) ၊ PDF-Zoland ၊Zongam Army ၊CDF(ကလေး၊ ကဘော်၊ ဂန့်ဂေါ) -၂ တို့ကို စုပေါင်းတိုက်ခိုက်ခဲ့ခြင်းဖြစ်သည်ဟု​ဖော်ပြထားသည်။

အကြမ်းဖက် စစ်ကောင်စီတပ်သားများသည် က​လေးမြို့ဘက်မှတစ်ဆင့် ချင်းတောင်သို့ စစ်​ကြောင်းထိုးဝင်ရောက်ပြီး က​လေး-သိုင်ငင်လမ်း​ဆုံကို ထိန်းချုပ်ရန် ကြိုးပမ်း​နေသည်။ဒေသခံကာကွယ်ရေးတပ်ဖွဲ့များကလည်း ပူးပေါင်းခုခံတုက်ခိုက်​နေပြီး တိုက်ပွဲများဆက်တိုက် ဖြစ်ပွား​နေသည်မှာ ၄ ရက်ရှိပြီဖြစ်သည်ဟု PDF-Zolandက ယနေ့ ထုတ်ပြန်သည်။ဇန်နဝါရီ ၁၆ ရက်နံနက်တိုက်ပွဲတွင် စစ်​ကောင်စီတပ် အထိ့နာသဖြင့် ​တိုက်​လေယာဥ် အကူသုံးခဲ့သည်။

(က​လေး- သိုင်းငင်းလမ်းပိုင်းတ​နေရာ (ပုံ​ဟောင်း)
ဓါတ်ပုံ -People’s Spring)