ပဲခူးတိုင်း နတ္တလင်းမြို့နယ်တွင် စစ်ကောင်စီတပ်နှင့် ဒေသကာကွယ်ရေးပူးပေါင်းတပ်များ အပြန်အလှန်ပစ်ခတ်မှုဖြစ်ပွားခဲ့ကြောင်း ပြောက်ကျားတပ်ဖွဲ့ Phoniex DF(Nattalin PDF)ကဖေဖော်ဝါရီ ၂၅ရက်တွင်ထုတ်ပြန်သည်။
ဖေဖော်ဝါရီ ၂၃ ရက် နံနက် ၁၀ နာရီက နတ္တလင်းမြို့နယ် ရေနောက်ကျေးရွာထိပ်သို့ စစ် ကြောင်းထိုးလာသော စစ်ကောင်စီတပ်ကို PDF ပူးပေါင်းအဖွဲ့မှ မိုင်းခွဲတိုက်ခိုက်ခဲ့ကြသည်။မိုင်းခွဲတိုက်ခိုက်ပြီးနောက် နှစ်ဖက်အပြန် အလှန်ပစ်ခတ်မှုဖြစ်ပွားခဲ့ရာ စစ်ကောင်စီတပ်မှ လေးဦးသေဆုံးပြီး ဒေသကာကွယ်ရေးပူး ပေါင်းတပ်များဘက်မှ ရဲဘော်တစ်ဦး ဖမ်းဆီးခံရကြောင်း ဖော်ပြထားသည်။
ဖေဖော်ဝါရီ ၂၂ ရက်ကလည်း နတ္တလင်းမြို့ နယ် တောင်ညိုစခန်းမှနေ၍ စမ်းကြီးကျေးရွာဘက် စစ်ကြောင်းထိုးလားသော စစ်ကောင်စီတပ်ကို Phoniex DF(Nattalin PDF)နှင့် Zegon PDF အဖွဲ့တို့ ပူးပေါင်းတိုက်ခိုက်ခဲ့ရာစစ်ကောင်စီတပ်သား ငါးဦးသေဆုံးခဲ့သည်။
