ထီးလင်းပြည်သူ့ကာကွယ်ရေးအဖွဲ့၏အခြေခံစစ်ပညာသင်တန်း အမှတ်စဉ်(၃)တွင် သင်တန်းသားအင်အား ၂၀၀ ကျော်အထိ ပါဝင်ခဲ့ပြီး အမျိုးသားညီညွတ်ရေးအစိုးရကာကွယ်ရေး၀န်ကြီး ဦးရည်မွန်က သ၀ဏ်လွှာပေးပို့ခဲ့သည်။
ထီးလင်းပြည်သူ့ကာကွယ်ရေးအဖွဲ့ People’s Defence Force-Htilin (Yaw Region)၏ အဆိုပါသင်တန်းဆင်းပွဲကို ဖေဖော်ဝါရီ ၂၄ရက်က ပြုလုပ်ခဲ့ခြင်းဖြစ်သည်။
အမျိုးသားညီညွတ်ရေးအစိုးရ၊ကာကွယ်ရေး၀န်ကြီးဌာန၊ ကာကွယ်ရေး၀န်ကြီး ဦးရည်မွန်က သ၀ဏ်လွှာပေးပို့ခဲ့သည်ဟု PDF-ထီးလင်း(ယောဒေသ)က ယနေ့(ဖေဖော်ဝါရီ ၂၆ရက်)သတင်းထုတ်ပြန်သည်။
ထီးလင်းသည် ယောဒေသတွင်ပါဝင်ပြီး ထိုစစ်သင်တန်းဆင်းပွဲအခမ်းအနားသို့ ဒေသတွင်းမှ အခြား မဟာမိတ်ညီနောင်အဖွဲ့အစည်းများလည်း တင်ရောက်ခဲ့ကြသည်ဟု ယောဒေသ ပြည်သူ့ကာကွယ်ရေးအဖွဲ့များ၏ သတင်းထုတ်ပြန်ရေးလူမှုကွန်ရက်စာမျက်နှာ Gangaw Youths Voiceက သတင်းထုတ်ပြန်ထားသည်။
Public Service Announcement
ထီးလင်းမြို့နယ်တွင် ယခုရက်ပိုင်း တိုက်ပွဲအပြင်းအထန်မဖြစ်သော်လည်း ယောဒေသတွင်ပင်ရှိသော ဆောနှင့်လောင်းရှည်မြို့တွင်တိုက်ပွဲများဆက်တိုက်ဖြစ်ပွားခဲ့သည်။
ဆောနှင့် လောင်းရှည်မြို့ဝန်းကျင်တွင်ဖေဖော်ဝါရီလ၁၈ရက်မှ ဖေဖော်ဝါရီ ၂၄ရက်အတွင်း ရက်သတ္တပတ်တစ်ပတ်ကြာတိုက်ပွဲတွင် အကြမ်းဖက်စစ်ကောင်စီဘက်က ၂၁ဦးသေဆုံးကြောင်းဆောမြို့ ပြည်သူ့ကာကွယ်ရေးအဖွဲ့ကယနေ့သတင်းထုတ်ပြန်ထားသည်။
လောင်းရှည်မှ ချင်းပြည်နယ်သို့ စစ်ကား ၁၆ စီးဖြင့်ထွက်ခွာလာသော စစ်ကောင်စီအင်အား ၂၀၀ခန့်ကို PDF-SAW, CDF Kanpetletနှင့်CNA ပူးပေါင်းမဟာမိတ်တပ်ဖွဲ့များက တိုက်ခိုက်ခဲ့ခြင်းဖြစ်သည်။
