မုံရွာမြို့တွင် အကြမ်းဖက်စစ်ကောင်စီ၏ ပစ်ခတ်မှုကြောင့် ဦးခေါင်း ကျည်ထိမှန် ကျဆုံးခဲ့ရသည့် မသဉ္ဇာဟိန်း ကွယ်လွန်ခြင်း တစ်နှစ်ပြည့်အထိမ်းအမှတ်အဖြစ် ယမန်နေ့ညက မုံရွာမြို့ပေါ်ရှိ စစ်ကောင်စီတပ်စွဲထားသောနေရာများအား လက်ပစ်မိုင်းများဖြင့် ပစ်ခတ်ဖောက်ခွဲခဲ့ကြောင်း Monywa Unity Forceအဖွဲ့ က ပြောသည်။
မတ်လ ၂၇ ရက်နေ့ ည၇ နာရီမှ ၈နာရီအတွင်း မုံရွာမြို့၌ အကြမ်းဖက် စစ်ကောင်စီတပ်များရှိသော ဆည်မြောင်းရုံး၊ ပေ ၈၀လမ်း စစ်ဆေးရေးဂိတ်၊ ကျောက္ကာလမ်း Mobile One အနီးနှင့် ရန်ကင်းဆိုင်းဘုတ် နေရာများကို Unity Force Monywa (UFM) နှင့် Brother Defense Force (BDF)မဟာမိတ် ညီနောင်တိုက်ခိုက်ရေးအဖွဲ့နှစ်ဖွဲ့ပေါင်း၍ လက်ပစ် မိုင်းများဖြင့် ပစ်ပေါက်ဖောက်ခွဲခဲ့ပြီး အကြမ်းဖက်စစ်ကောင်စီဘက်မှ ထိခိုက်မှုရှိနိုင်ကြောင်း၊ ရဲဘော်များ ဘေးကင်းလုံခြုံသောနေရာသို့ ပြန်လည်ရောက်ရှိပြီဖြစ်ကြောင်း Unity Force Monywaက ပြောသည်။
“အရင်တုန်းကတော့ ကျွန်တော်တို့နဲ့ သပိတ်စစ်ကြောင်းတွေအတူတူ ချီတက်ခဲ့ကြတဲ့သူပါ။ ဒါကြောင့်သူ့နှစ်လည်နေ့မှာ သွေးကြွေးပြန်ဆပ်တာ။”ဟု Unity Force Monywa အဖွဲ့သားတစ်ဦးက ပြောသည်။
မုံရွာသူနာပြု သားဖွားသင်တန်းကျောင်း ဒုတိယနှစ်တွင် ပညာသင်ယူခဲ့သော မသဉ္ဇာဟိန်း သည်ပြီးခဲ့သည့် ၂၀၂၁ မတ်လ ၂၈ ရက်က မုံရွာမြို့လူထု တော်လှန်ရေးတိုက်ပွဲ၌ အကြမ်းဖက် စစ်ကောင်စီ၏ သေနတ်ဖြင့် ပစ်ခက်မှု ကြောင့် ဦးခေါင်းကျည်ထိမှန်၍ အသက်ဆုံးရှုံးခဲ့ရသည်။
Public Service Announcement
