Connect with us

Hi, what are you looking for?

News

ချောင်းဦးတွင် မဟာမိတ်လေးဖွဲ့က စစ်ကောင်စီတပ်အား မိုင်းကွင်းသို့ မျှားခေါ်ပြီး မိုင်းခွဲတိုက်ခိုက်ရာ ​ခြောက်ဦး​သေဟုဆို

ကံကြီးကုန်းကျေးရွာသည် ပျူစောထီးအားကောင်းသောရွာတစ်ရွာဖြစ်ပြီး စစ်တပ်များလည်းရှိနေကာ ဒေသတွင်းမဟာမိတ်အဖွဲ့များနှင့် မကြာခဏ တိုက်ခိုက်နေကြသည်။

စစ်ကိုင်းတိုင်း၊ ချောင်းဦးမြို့နယ်တွင် မဟာမိတ်လေးဖွဲ့က အကြမ်းဖက်စစ်ကောင်စီတပ်နှင့် ပျူစောထီးများအား အယောင်ပြပစ်ခတ်ပြီး မိုင်းကွင်းသို့ မျှားခေါ်၍ မိုင်းခွဲတိုက်ခိုက်ခဲ့ရာ အကြမ်းဖက်စစ်သား​ခြောက်ဦးခန့်ထိခိုက်သေဆုံးနိုင်ကြောင်း မဟာမိတ်အဖွဲ့များကထုတ်ပြန်သည်။

ချောင်းဦးမြို့နယ် ကံကြီးကုန်းကျေးရွာတွင် တပ်စွဲ​နေသော စစ်ကောင်စီတပ်နှင့် ပျူစောထီးများမှာ အနီး အနားကျေးရွာများသို့ ကင်းလှည့်သွားလာနေသည်ကို ကြားသိရသောကြောင့် ၎င်းတို့ လာရောက်မည့် လမ်းကြောင်းများမှ မိုင်းဆွဲတိုက်ခိုက်ရန် စောင့်ဆိုင်းနေရာ အချိန်ကြာမြင့်လာသည့်အတွက် ၎င်းတို့ရှိရာ နေရာသို့ သွားရောက်ပြီး ၄၀ (မမ)သုံးလုံးနှင့် Shotgun များ ပစ်ခတ်ပြီး မိုင်းကွင်းထဲမျှားခေါ်ခဲ့ကြောင်း Chaung U Local Defence Force (CHULDF)က ပြောသည်။

မိုင်းကွင်းထဲသို့ စစ်သား​ခြောက်ဦး ရောက်ရှိချိန်တွင် မိုင်းဆွဲတိုက်ခိုက်ခဲ့ရာ စစ်သားခြောက်ဦးလုံး ထိုနေရာမှာပင် သေဆုံးခဲ့ကြောင်း၊ ထို့နောက် စစ်ကောင်စီတပ်ဘက်မှ အာပီဂျီ (RPG)များဖြင့် ပစ်ခတ်သောကြောင့် မိုင်းထိမှန်သေဆုံးသွားသော စစ်သားများ​၏ လက်နက်ပစ္စည်းများကို မသိမ်းဆည်းနိုင်ခဲ့ဘဲ အောင်မြင်စွာ ဆုတ်ခွာလာခဲ့ကြောင်း CHULDFက ထုတ်ပြန်သည်။

အဆိုပါစစ်ဆင်ရေးကို Chaung U Local Defence Force (CHULDF) နှင့် MGN 35 ပျောက်ကြားတပ်ဖွဲ့၊ The Value of Young Men၊ Myaung Fighter Defense Force စသည့် တော်လှန်ရေးမဟာမိတ် ညီနောင်များနှင့်အတူ ပူးပေါင်းတိုက်ခိုက်ခဲ့ကြောင်း မဟာမိတ်အဖွဲ့များက အသိပေးထုတ်ပြန်သည်။

Public Service Announcement

Public Service Announcement

မဟာမိတ်အဖွဲ့များထံ ဆက်သွယ်​မေးမြန်းထားသော် လည်း ပြန်လည်ဖြေကြားခြင်းမရှိသေးပါ။

ကံကြီးကုန်းကျေးရွာသည် ပျူစောထီးအားကောင်းသောရွာတစ်ရွာဖြစ်ပြီး စစ်တပ်များလည်းရှိနေကာ ဒေသတွင်းမဟာမိတ်အဖွဲ့များနှင့် မကြာခဏ တိုက်ခိုက်နေကြသည်။

ဆက်စပ်သတင်းများ

သတင်း

စစ်ကိုင်းတိုင်း၊ ချောင်းဦးမြို့နယ် တောကျောင်းလေးကျေးရွာက ရွှေဝါရောင်ဆရာတော်ရဲ့ကျောင်းမှာ သံဃာတွေ ပဋ္ဌာန်းပွဲ ပြုလုပ်နေချိန် အာဏာသိမ်းစစ်တပ်က အသေခံဒရုန်းနဲ့ ဗုံးကြဲတိုက်ခိုက်လို့ သံဃာ ၁ပါး ဒဏ်ရာရပြီး ကျောင်းဆောင်ပျက်စီးသွားခဲ့ကြောင်း ဒေသခံတွေက ပြောပါတယ်။

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်

သတင်း

စစ်ကိုင်းတိုင်း၊ ချောင်းဦးမြို့နယ်အတွင်း လူသားချင်းစာနာထောက်ထားရေးနဲ့ လူမှုကူညီရေးလုပ်ငန်းတွေ ဆောင်ရွက်နေကြတဲ့ NGO၊ CSO နဲ့ အသင်းအဖွဲ့တွေအနေနဲ့ မြို့နယ်ပြည်သူ့အုပ်ချုပ်ရေးအဖွဲ့(ပအဖ)ထံက ခွင့်ပြုချက်ရယူပြီးမှသာ လှုပ်ရှားဆောင်ရွက်ကြဖို့ အဆိုပါအဖွဲ့က ထုတ်ပြန်ပါတယ်။

ဆောင်းပါး

ပန်းလှတောရကျောင်းတိုက်က သက်တော် ၃၀ နှစ်ကျော်အရွယ် ဦးဇင်းဇနက(ဘွဲ့အမည်လွှဲ)ဟာကျောင်းထဲကို ရွာထဲကဧည့်သည်တွေ ရောက်လာလို့ ရေနွေးနဲ့ ဧည့်ခံဖို့ ပြင်တယ်။ ဦးဇင်းက ပန်းလှတောရကျောင်းတိုက်မှာ သီတင်းသုံးနေတာပါ။ ဦးဇင်းတို့ကျောင်းက ချောင်းဦးမြို့ရဲ့ အရှေ့တောင်အရပ် ၆ မိုင်လောက်အကွာလောက်မှာ ရှိတယ်။ ကျောင်းပေါ်ပေါက်လာတာ သုံးလေးနှစ်လောက်ရှိပါသေးတယ်။ခေတ်ဆိုးခေတ်ပျက်ကြီးထဲမှာ ရွာသူရွာသားတွေရဲ့စေတနာသဒ္ဓါတရားတွေကြောင့်ကျောင်းထဲအဆောက်အအုံလေးတွေ ပေါ်လာခဲ့ရတာပါ။

Facebook