တာမွေမြို့နယ်တွင် အကြမ်းဖက်စစ်ကောင်စီတပ်က လူငယ်သုံးဦးကို ပစ်ခတ်ဖမ်းဆီးခဲ့ကြောင်း မြို့ခံပြည်သူများက ပြောသည်။
ယနေ့(ဧပြီ ၁၃)သကြ်န်အကြိုနေ့နံနက် ၉ နာရီကျော်က တာမွေမြို့နယ် ဖိုးစိန်လမ်းတွင် ပစ်ခတ်ဖမ်းဆီးရာ လူငယ်တစ်ဦးသေဆုံးကာ နှစ်ဦးဖမ်းဆီးခံခဲ့ရကြောင်း မြို့ခံများက ပြောသည်။
စစ်ကောင်စီတပ်၏ ပစ်ခတ်ဖမ်းဆီးခြင်းခံရသောလူငယ်များမှာ ကိုဟိန်းထက်နိုင်၊ ကိုကြည် သာနှင့် ကိုတင်ထွန်းအောင် စသူတို့ဖြစ်ပြီး ကိုဟိန်းထက်နိုင်မှာ ကျည်ထိမှန်သေဆုံးသွားခဲ့ကြောင်း သိရသည်။
“မြို့နယ် EPC ရုံးကို ဝင်ပစ်တယ်လို့ကြားတယ်။ ပြီးတော့ အပြန်အလှန်ပစ်ခတ်မှုလည်း ဖြစ်သွားခဲ့တယ်”ဟု တာမွေမြို့ခံတစ်ဦးက ပြောသည်။
Public Service Announcement
အထက်ပါဖြစ်စဥ်နှင့်ပတ်သက်ပြီး ဒေသတင်း ရင်းမြစ်အချို့၏ ဖော်ပြချက်အရ အထက်ပါလူငယ်သုံးဦးမှာ ကျောပိုးအိတ်ကိုယ်စီ လွယ်ပိုးထားပြီး ပါဆယ်ပစ္စည်းပို့သည့်လူငယ်များဖြစ် ကြောင်း သတင်းဖော်ပြမှုများလည်း ရှိနေ သည်။
