Connect with us

Hi, what are you looking for?

News

ဆားလင်းကြီးမြို့နယ် ကျားတက်ရဲစခန်း PDFများဝင်တိုက်ရာ ရဲရှစ်ဦးထက်မနည်းသေဟု မြိုင် PDFမှ ဗိုလ်Cross ပြော

ကျားတက်ရဲစခန်းသိမ်းတိုက်ပွဲအတွင်း အကြမ်းဖက်စစ်ကောင်စီတပ်သား ငါးဦးခန့်မှာလည်း လက်နက်ချ အညံ့ခံမှုရှိခဲ့သည်ဟု သတင်းလည်း ထွက်ပေါ်နေသည်။

(ကျားတက်ရွာ မူးယစ်းဆေးဝါးတိုက်ဖျက်ရေးနေ့အဖြစ် ဟောပြောပွဲပြုလုပ်နေသော ရဲနှစ်ဦးအား ၂၀၁၆က တွေ့ရစဥ်)

ထွက်ပြေးသည့် အကြမ်းဖက်စစ်သား ငါးဦးခန့် လက်နက်ချအညံ့ခံဟုဆို

စစ်ကိုင်းတိုင်း၊ ဆားလင်းကြီးမြို့နယ် ကျားတက်ရဲစခန်းဝင်ရောက်တိုက်ခိုက်ရာ ရဲရှစ်ဦးထက်မနည်းသေဆုံးကြောင်း မြိုင် PDF မှ ဗိုလ် Crossက People’s Springသို့ ပြောသည်။

ယနေ့(ဧပြီလ ၂၈ ရက်) နေ့လယ် ၁၂ နာရီကစ၍ ကျားတက်ရဲစခန်းကို မြိုင်၊ရေစကြိုနှင့် ဆားလင်းကြီး ပြည်သူ့ကာကွယ်ရေးတပ်ဖွဲ့များ ဝင်ရောက် စီးနင်းကာ ၄နာရီ ကြာအပြန်အလှန်ပစ်ခတ်ခဲ့သည်ဟု ဆိုသည်။

“စခန်းကို မီးရှို့နိုင်ခဲ့တယ်။အနည်းဆုံး ရဲ ရှစ်ဦးသေတယ်။လောလောဆယ် စစ်ရေးအခြေအနေအရ မပြတ်သေးဘူး”ဟု ဗိုလ် Cross က ရှင်းပြသည်။

Public Service Announcement

Public Service Announcement

Public Service Announcement

ထို့အပြင် ကျားတက်ရဲစခန်းဝင်ရောက်စီးနင်းခံရမှုကြောင့် အကြမ်းဖက်စစ်ကောင်စီက ပုလဲမြို့ နယ်မှတစ်ဆင့် တပ်ကူလာသည့် စစ်ကားလေးစီးကို ပုလဲမြို့ နှင့် ကျားတက်ရွာကြားရှိ ရွှေယမင်းကျေးရွာအနီး မိုင်း လေးကြိမ်ဆွဲတိုက်ခိုက်ရာ ကားနှစ်စီးပျက်စီးခဲ့သည်ဟု ရေစကြိုမြို့နယ် PDF တပ်ဖွဲ့ဝင်တစ်ဦးက အတည်ပြုသည်။

ကျားတက်ရဲစခန်းသိမ်းတိုက်ပွဲအတွင်း အကြမ်းဖက်စစ်ကောင်စီတပ်သား ငါးဦးခန့်မှာလည်း လက်နက်ချ အညံ့ခံမှုရှိခဲ့သည်ဟု သတင်းလည်း ထွက်ပေါ်နေသည်။

” အဲဒီစခန်းမှာ ရဲနဲ့ စစ်သားတွေ ပေါင်းနေကြတာ။ သေတာက ရဲတွေ သေတာများတယ်။ စစ်သားတွေက ထွက်ပြေးကြတာ။ အဲဒီထဲက ငါးယောက်က လက်နက်ချအညံ့ခံတယ်လို့ သိရတယ်”ဟု မြိုင် PDF မှ ရဲဘော်တစ်ဦးက ပြောသည်။

လက်ရှိတွင် စစ်ကူလာသည့် အကြမ်းဖက်စစ်ကောင်စီက ကျားတက်ရွာစာသင်ကျောင်းတွင် ယခုညပိုင်းတွင် တပ်စွဲထားပြီး မကြာခဏ သေနတ်ပစ်ဖောက်နေသည်ဟု ဒေသခံတစ်ဦးက ဆိုသည်။

“စခန်း ပြာကျသွားတယ်ဆိုတာ ဟုတ်ပါတယ်။စစ်ကားနှစ်စီးနဲ့ ရွာထဲက ကျောင်းမှာ တပ်လာစွဲနေတယ်”ဟု ၎င်းက ပြောသည်။

ဆက်စပ်သတင်းများ

သတင်း

စစ်ကိုင်းတိုင်း၊ ဆားလင်းကြီးမြို့နယ်၊ ဒူးထောက်ရွာကို စစ်တပ်က လေကြောင်းတိုက်ခိုက်လို့ မိသားစုဝင် ၄ ဦး ထိခိုက်ခဲ့ပြီး မိခင်ဖြစ်သူ သေဆုံးသွားကြောင်း ဒေသခံတွေက ပြောပါတယ်။

သတင်း

အမျိုးသားညီညွတ်ရေးအစိုးရ(NUG)၊ ကာကွယ်ရေးဝန်ကြီးဌာန၊ ပြည်သူ့ကာကွယ်ရေးတပ်မတော်(PDF)၊ စစ်ရုံးချုပ်ကွပ်ကဲမှုအောက်ရှိ အမှတ် (၉၇၁၁) တပ်ရင်းကို လက်နက်တပ်ဆင်ခြင်းအခမ်းအနား ကျင်းပခဲ့ကြောင်း ပြည်သူ့ကာကွယ်ရေးတပ်မတော် က သတင်းထုတ်ပြန်ပါတယ်။

သတင်း

စစ်ကိုင်းတိုင်း ဆားလင်းကြီးမြို့နယ်မှာ သပိတ်အင်အားစုဝင်တွေက ဒေသခံတော်လှန်ပြည်သူတွေ ပူးပေါင်းပြီးသံအမတ်ကြီးဦးကျော်မိုးထွန်း ကုလသမဂ္ဂမှာ ဆက်ရှိရေးအတွက် ထောက်ခံဆန္ဒပြပွဲကို ဒီကနေ့ (အောက်တို့ဘာ ၂၁) မှာ ပြုလုပ်ခဲ့ကြပါတယ်။

သတင်း

စစ်ကိုင်းတိုင်း၊ ဆားလင်းကြီးမြို့နယ်မှာ တော်လှန်သပိတ်အင်အားစုတွေနဲ့ ဒေသခံပြည်သူတွေက မြန်မာနိုင်ငံရဲ့ ကုလသမဂ္ဂဆိုင်ရာ အမြဲတမ်းကိုယ်စားလှယ် သံအမတ်ကြီး ဦးကျော်မိုးထွန်း ထောက်ခံတဲ့ လူထုလှုပ်ရှားမှုကို ဒီကနေ့ (အောက်တိုဘာ ၂၀) ပြုလုပ်ခဲ့ပါတယ်။

Facebook