မင်းတပ် CDFက အနီးကပ်တိုက်ခိုက်၍ စစ်ကောင်စီတပ်သား ​လေးဦးသေ၊ မိုင်းဆွဲတိုက်ခိုက်မှု ကြောင့်လည်း သေဆုံးမှုများနိုင်ဟု ခန့်မှန်း

ချင်းပြည်နယ် မတူပီမြို့မှ ဆင်းလာသည့် စစ်ကောင်စီတပ်နှင့် မင်းတပ်ချင်းကာကွယ်ရေးတပ်(CDF)တို့ ယနေ့ တိုက်ပွဲပြင်းထန်စွာ ဖြစ်ပွားခဲ့ရာ အနီးကပ် ပြောက်ကျားတိုက်ခိုက်မှုကြောင့် စစ်ကောင်စီတပ်မှ ​လေးဦးသေဆုံးကာ ၃ဦး ဒဏ်ရာပြင်းထန်ခဲ့ကြောင်း မင်းတပ် CDFက သတင်းထုတ်ပြန်သည်။

မင်းတပ် CDF၏ မိုင်းဆွဲတိုက်ခိုက်မှုကြောင့် စစ်ကောင် စီဘက်မှ အကျအဆုံးများနိုင်ကြောင်းလည်း ထုတ်ပြန်ချက်၌ ဖော်ပြသည်။ မင်းတပ် CDF၏ သတင်းထုတ်ပြန်ချက်ကို Ha Om အမည်ရှိ မင်းတပ် CDF၏ ပြောရေး ဆိုခွင့်ရှိသူ ဆလိုင်းဟာအွမ်၏ Facebook ၌ ဖော်ပြထားသည်။

အဆိုပါ တိုက်ခိုက်မှုများ၌ မင်းတပ် CDFတပ်ဖွဲ့ဝင်များ အထိအခိုက်မရှိ အောင်မြင်စွာဆုတ်ခွာနိုင်ခဲ့သည်ဟု ဆိုသည်။

မတူပီမြို့သို့ စစ်အင်အားသွားရောက်ပို့ဆောင်သည့် ယာဉ်တန်းသည် ဧပြီ ၂၇ရက်တွင် မတူပီမှ မင်းတပ်ဘက်သို့ ထွက်ခွာလာရာ မတူပီ CDFကလည်း မိုင်းဆွဲတိုက် ခိုက်မှု၊ ခြုံခိုတိုက်ခိုက်မှုများ လုပ်ဆောင်ခဲ့ရာ စစ်ကောင် စီတပ်မှ ၁၅ဦးထက်မနည်း သေဆုံးခဲ့သည်ဟု မတူပီ CDFက ပြောသည်။

Public Service Announcement