Connect with us

Hi, what are you looking for?

News

ခင်ဦးမြို့နယ်တွင် နံနက်​​ဝေလီ​ဝေလင်း မိုင်းဆွဲတိုက်ခိုက်မှု စစ်ကောင်စီတပ် ဝရမ်းသုန်းကားဖြစ်

စစ်ကောင်စီတပ်ဖွဲ့အား အင်းပတ်ကွေ့အရောက်တွင် ရှေ့ထွက်မိုင်း သုံးလုံး ဖောက်ခွဲတိုက်ခိုက်ခဲ့ရာ ၁၀စီးခန့် နေရာတင်လဲကျ၍ ကျန်အစီးများ ဝရမ်းသုန်းကားဖြစ်ကာ စျေးဆိုင်တန်းများအတွင်း ထိုးကျသွားခဲ့ကြောင်း KSO အဖွဲ့က ပြောသည်။

(KSO အဖွဲ့မှ ရဲ​ဘော်များအား ​တွေ့ရစဥ်)

စစ်ကိုင်းတိုင်း၊ ခင်ဦးမြို့နယ်တွင် နံနက်​စောပိုင်းက ဆိုင်ကယ်များဖြင့် လှည့်လည်လာသည့် စစ်​ကောင်စီတပ်အား မိုင်းသုံးလုံးဖြင့် ဖောက်ခွဲတိုက်ခိုက်ခဲ့ရာ အကြမ်းဖက်စစ်သားအများအပြားသေဆုံးနိုင်ကြောင်း Khin U Support Organization-KSO အဖွဲ့က အသိ​ပေးထုတ်ပြန်သည်။

ယနေ့ (မေလ ၁၅ ရက်) နံနက် ၅နာရီ မိနစ်၂၀ခန့်က ခင်ဦးမြို့နယ်၊ မြင်းဒေါင်းကျေးရွာဘက်မှ အနောက်ဘက် ရေဦးမြို့နယ်သို့ ဆိုင်ကယ်တစ်စီးလျှင် နှစ်ဦးပါရှိသည့် စစ်​ကောင်စီတပ်သားများသည် အစီး​ရေ ၂၀ခန့်ဖြင့် လာ​ရောက်စဥ် ဒေသတွင်းပြည်သူ့ကာကွယ်ရေးအဖွဲ့က တိုက်ခိုက်ခဲ့ခြင်းဖြစ်သည်။

စစ်ကောင်စီတပ်ဖွဲ့အား အင်းပတ်ကွေ့အရောက်တွင် ရှေ့ထွက်မိုင်း သုံးလုံး ဖောက်ခွဲတိုက်ခိုက်ခဲ့ရာ ၁၀စီးခန့် နေရာတင်လဲကျ၍ ကျန်အစီးများ ဝရမ်းသုန်းကားဖြစ်ကာ စျေးဆိုင်တန်းများအတွင်း ထိုးကျသွားခဲ့ကြောင်း KSO အဖွဲ့က ပြောသည်။

၎င်းတို့တိုက်ခိုက်ခံရပြီးနောက် အင်းပတ်ကွေ့တွင် ခြေလျင်ဖြန့်ကာ သေနတ်များ ရမ်းသမ်းပစ်ခတ်ခဲ့ကြောင်း၊ အဆိုပါဖြစ်စဥ်ကြောင့် ရေဦး – ခင်ဦးလမ်းပိုင်း၌ အကြမ်းဖက်စစ်တပ်များ ခြေရှုပ်နိုင်ပြီး ဒဏ်ရာရသူများနှင့် ရုပ်အလောင်းများအား ရေဦးမြို့ဘက်မှ လာကောက်နိုင်ကြောင်း ဒေသခံအချို့က ပြောသည်။

Public Service Announcement

Public Service Announcement

“ငရဲပြည်သွားမည့်ကောင်တော်တော် များပါတယ်။ အတိအကျထပ်မံသိရပါက ကြေညာပေးသွားပါမည် “ဟု KSO အဖွဲ့က အသိပေးသည်။

စစ်​ကောင်စီတပ်သည် ခင်ဦးမြို့နယ်အတွင်း စစ်ကြောင်းထိုးကာ ကျေးရွာများအား ဖျက်ဆီးနေသည်။ ယမန်နေ့ညနေ ၄နာရီခန့်ကလည်း မြို့သစ်ရွာနှင့် ကံကြီးကုန်းကျေးရွာအတွင်းမှ နေအိမ်အချို့ကို မီးရှို့ဖျက်ဆီးသွားခဲ့ပြီး ပြည်သူတစ်ဦး ပစ်သတ်ခံခဲ့ရကြောင်း ဒေသခံများက ပြောသည်။

ထို့အပြင် မုံတိုင်ပင်နှင့်အင်ပင်ကျေးရွာတွင် ​ဒေသခံပြည်သူ ၃၀ဦးထက်မနည်းကိုလည်း စစ်ကောင်စီက သတ်ဖြတ်ခဲ့သည်ဟု ပြည်သူ့ကာကွယ်ရေးအဖွဲ့များကထုတ်ပြန်ထားသည်။

ဆက်စပ်သတင်းများ

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်

သတင်း

တနိုင်ငံလုံးအပစ်ရပ်စာချုပ်(NCA)အပေး လူထုရဲ့ ယုံကြည်ကိုးစားမှု လျော့နည်းကျဆင်းခဲ့ကြောင်း နေပြည်တော်မှာ ကျင်းပတဲ့ NCA စာချုပ်ချုပ်ဆိုမှု ၁၁နှစ်မြောက်နှစ်ပတ်လည် အခမ်းအနားမှာ ရှမ်းပြည်ပြန်လည်ထူထောင်ရေးကောင်စီ(RCSS)ကိုယ်စားလှယ် ဗိုလ်မှူးကြီးစိုင်းငင်းက ပြောပါတယ်။

သတင်း

ထိုင်းနိုင်ငံရောက် မြန်မာလုပ်သားတွေအနေနဲ့ မိသားစုထံ ၃လစာငွေလွှဲပို့ထားသူတွေကို မည်သူမည်ဝါဖြစ်ကြောင်းသက်သေခံလက်မှတ် (CI) ထုတ်ပေးရေးစခန်း ၅ခုပြန်ဖွင့်ပြီး လုပ်ပေးသွားမယ်လို့ စစ်အုပ်စုကထုတ်ပြန်ပါတယ် ။

သတင်း

ရန်ကုန်မြို့မှာ စည်ကားကြောင်းပြသဖို့ စစ်ကောင်စီက စျေးပွဲတော်တွေ အဆက်မပြတ်စီစဉ်နေပြီး လူငယ်တွေကို စောင့်ကြည့်ဖို့ ညွှန်ကြားချက်ထုတ်ထားကြောင်း လူထုနွေဦးက စုံစမ်းသိရပါတယ်။

Facebook