မုံရွာ-အရာတော်လမ်းအတိုင်းအရပ်သားကဲ့သို့ဝတ်ဆင်လာသောစစ်ကောင်စီတပ်ဖွဲ့ဝင်များမောင်းနှင်လာသည့် အိမ်စီးအံစာတုံးကားကို မိုင်း ၆ လုံးခွဲကာ တိုက်ခိုက်ခဲ့ကြောင်း People’s Defence Force-South Monywa က ယနေ့ သတင်းထုတ်ပြန်သည်။
ပြည်သူ့ကာကွယ်ရေးတပ်ဖွဲ့(မုံရွာ-တောင်ပိုင်း)သည် Black Dragon Special Task Force ၊ Anyar Defense Force(ADF)တို့နှင့်အတူ ယနေ့နံနက် ၅ နာရီခွဲတွင် မုံရွာ-အရာတော်လမ်း အတိုင်း မောင်းနှင်လာသော အံစာတုံးကားကို မြန်မာ့မဏ္ဍိုင်စက်သုံးဆီဆိုင်အနီးတွင် မိုင်းခွဲတိုက်ခိုက်ခဲ့ခြင်းဖြစ်သည်။
အဆိုပါ မိုင်းခွဲတိုက်ခိုက်မှုကြောင့် အကြမ်းဖက်စစ်ကောင်စီတပ်ဖွဲ့ဝင်များ ထိခိုက်မှုရှိခဲ့သော်လည်း နောက်ဆက်တွဲရလဒ်အသေးစိတ်ကို မသိရှိရသေးကြောင်း People’s Defence Force – South Monywa က ထုတ်ပြန်သည်။
အထက်ပါပြည်သူ့ကာကွယ်ရေးတပ်ဖွဲ့နှင့် မိတ်ဖက်တပ်ဖွဲ့များသည် နယ်မြေစိုးမိုးမှုရရှိရန်ကြိုး စားနေပြီးစစ်ကောင်စီတပ်ဖွဲ့ဝင်များကို ၎င်းတို့၏ ဝပ်ကျင်းမှ ထွက်လာသည်နှင့် လုံခြုံမှုမရှိကြောင်းဆိုသည်ထက် ဝပ်ကျင်းထဲမှာပင် လုံခြုံမှုမရှိကြောင်းကို ပြသရန် ကြိုးစားနေ ကြောင်းဖော်ပြထားသည်။
Public Service Announcement
ပြည်သူများက ပြည်သူ့ကာကွယ်ရေးတပ်များဘက် ရှိနေသရွေ့၊ ပံ့ပိုးထောက်ပံ့မှုများလုပ်ဆောင် နေသရွေ့ အကြမ်းဖက်စစ်ကောင်စီတပ်ဖွဲ့ဝင်များ သေဆုံးမှုများနေမည်ဖြစ်၍ တော်လှန်စိတ်ဖြင့် ပြည်သူလူထုက ဆက်လက်ထောက်ပံ့ကူညီစေလိုကြောင်း People’s Defence Force – South Monywa ကမေတ္တာရပ်ခံထားသည်။
