Connect with us

Hi, what are you looking for?

သတင်း

စစ်ကောင်စီနှင့် ဆွေးနွေးအပေးအယူပြုလုပ်မှုမှန်သမျှ တရားမဝင်ကြောင်း NUG ကြေညာ

စစ်ကောင်စီနှင့် ဆွေးနွေးညှိနှိုင်း အပေးအယူပြုလုပ်မှုများကို NUG နှင့် NUGကို ဆက်ခံသော မည်သည့်အစိုးရကမျှ အသိအမှတ်ပြုလက်ခံခြင်းရှိမည်မဟုတ်ကြောင်းလည်း အသိပေးကြေညာထားသည်။

စစ်ကောင်စီနှင့် ဆွေးနွေးအပေးအယူပြုလုပ်မှုမှန်သမျှ တရားမဝင်ကြောင်း NUG ကြေညာ

ယင်းသို့ ဆွေးနွေးအပေးအယူများကို NUG နှင့် NUG ကို ဆက်ခံသောမည်သည့်အစိုးရကမျှ အသိအမှတ်ပြုလက်ခံမည်မဟုတ်

အကြမ်းဖက်စစ်ကောင်စီနှင့် ဆွေးနွေးညှိနှိုင်း အပေး အယူပြုလုပ်မှုမှန်သမျှသည် တရားမဝင်ကြောင်း အမျိုးသားညီညွတ်ရေးအစိုးရ NUG ယနေ့ ထုတ်ပြန် ကြေညာသည်။

စစ်ကောင်စီနှင့် ဆွေးနွေးညှိနှိုင်း အပေးအယူပြုလုပ်မှုများကို NUG နှင့် NUGကို ဆက်ခံသော မည်သည့်အစိုးရကမျှ အသိအမှတ်ပြုလက်ခံခြင်းရှိမည်မဟုတ်ကြောင်းလည်း အသိပေးကြေညာထားသည်။

နိုင်ငံတော်၏ စစ်မှန်သောအချုပ်အခြာအာဏာသည် လွတ်လပ်၍ တရားမျှတသည့် ရွေးကောက်ပွဲမှတဆင့် ပြည်သူလူထုက တရားဝင်အာဏာအပ်နှင်းထားသည့် အမျိုးသားညီညွတ်ရေးအစိုးရ၌သာတည်ပြီးအကြမ်း ဖက်စစ်ကောင်စီသည် နိုင်ငံတော်၏ အချုပ်အခြာ အာဏာကို မတရားသဖြင့်လုယူရန် ကြိုးစားနေသော အကြမ်းဖက်အဖွဲ့အစည်းသာ ဖြစ်သည်ဟု ထုတ်ပြန် သည်။

ထို့အပြင် အကြမ်းဖက်စစ်ကောင်စီသည် ပြည်သူလူထုထံမှ တိုက်ရိုက်ဆင်းသက် အပ်နှင်းထားသော တရားဝင်အုပ်ချုပ်ခွင့်အာဏာ (de jure power) မရှိသည့်အပြင် တိုင်းပြည်ကို လက်တွေ့ကျကျ နိုင်နင်းစွာအုပ်ချုပ်နိုင်သော အခွင့်အာဏာ (de facto power) လည်း လုံးဝမရှိသည့် တရားမဝင် အဖွဲ့အစည်းဖြစ်ကြောင်း ဖော်ပြ သည်။

Public Service Announcement

Public Service Announcement

အကြမ်းဖက်စစ်ကောင်စီသည် ၎င်းတို့ကျူးလွန်ခဲ့သည့် စစ်ရာဇဝတ်မှု၊ လူသားမျိုးနွယ်အပေါ် ရာဇ၀တ်မှု၊ လူမျိုးတုံးသတ်ဖြတ်မှုတို့အတွက် ကမ္ဘာ့တရားခွင်တွင် ပြစ်ဒဏ်ချမှတ်ခံရမည့် အဖွဲ့အစည်းလည်းဖြစ်သည်ဟု ဆိုသည်။

လတ်တလောတွင် အကြမ်းဖက်စစ်ကောင်စီခေါင်း ဆောင်သည် ထိတွေ့တိုက်ပွဲမဖြစ်ပွားသော ​ဒေသများရှိတိုင်းရင်းသားလက်နက်ကိုင်ခေါင်းဆောင်အချို့နှင့် ငြိမ်းချမ်းရေးဖိတ်ခေါ်ဆွေးနွေးနေသည်။

စစ်ခေါင်းဆောင်မင်းအောင်လှိုင်ဖိတ်ခေါ်သော ငြိမ်းချမ်းရေးဆွေးနွေးပွဲသို့ တက်ရောက်သူများသည် ပြည်သူ လူထုကို သတ်ဖြတ်သည့်သွေးစွန်းသောလက်ကို အားပေးအားမြှောက်ပြုသူများ ဖြစ်သည်ဟု နိုင်ငံရေးလေ့လာစောင့်ကြည့်သူအချို့က သုံးသပ်ကြသည်။

ရှမ်းပြည်ပြန်လည်ထူထောင်ရေးကောင်စီ(RCSS)ဥက္ကဌ စဝ်ယွက်ဆစ်၊ မွန်ပြည်သစ်ပါတီ(NMSP) ဒုဥက္ကဌ နိုင်အောင်မင်း၊ ကရင်အမျိုးသားအစည်းအရုံး/ကရင်လွတ်မြောက်ရေးတပ်မတော်(KNU/KNLA(PC))ဥက္ကဌ စောထော့လေး၊ ‘၀’ပြည်သွေးစည်းညီညွတ်ရေးပါတီ (UWSP)ဒုဥက္ကဌ ဦးလော့ ယာကုတို့က အကြမ်းဖက်စစ်ခေါင်းဆောင်မင်းအောင်လှိုင်နှင့် တွေ့ဆုံဆွေးနွေးခဲ့သည်။

ဆက်စပ်သတင်းများ

သတင်း

လူမျိုးပေါင်းစုံ ချစ်ကြည်ရေး၊လွတ်မြောက်ရေးအတွက် တနိုင်ငံလုံးအတိုင်းအတာနဲ့ ဟန်ချက်ညီညီချိတ်ဆက်ဖို့ အမျိုးသားညီညွတ်ရေးအစိုးရ၊ ယာယီသမ္မတ ဒူ၀ါလရှီးလအပါအ၀င် တော်လှန်ရေးခေါင်းဆောင်တွေ ဆွေးနွေးခဲ့တယ်လို့ ကယန်းအမျိုးသားတပ်မတော် (KNA)ရဲ့အတွင်းရေးမှူး ခွန်းရဲခေါင်က ပြောပါတယ်။

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်

သတင်း

တော်လှန်ရေးအင်အားစုတွေ ညီညွတ်ဖို့၊ စစ်ရေးအရဟန်ချက်ညီဖို့၊ ဗျူဟာမြောက်ပူးပေါင်းမှု ပိုမြှင့်တင်ဖို့ NUG တိုက်တွန်း

သတင်း

နိုင်ငံတော်ရဲ့ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ သားဖြစ်သူ ကိုထိန်လင်းတို့ ဖုန်းနဲ့ဆက်သွယ်ပြောဆိုခွင့်ရရှိခဲ့တဲ့အပေါ် အမျိုးသားညီညွတ်ရေးအစိုးရ(NUG)က သဘောထား ထုတ်ပြန်ခဲ့ရာ မိသားစုဝင်တွေ၊ မြန်မာပြည်သူတွေနဲ့ထပ်တူ ဝမ်းမြောက်ကြောင်း ဖော်ပြပြီး ဖြစ်စဉ်တခုလုံးကို အလေးအနက်ထား စောင့် ကြည့်လျက်ရှိဟု ထုတ်ပြန်ပါတယ်။

Facebook