Connect with us

Hi, what are you looking for?

သတင်း

ရေစကြိုတွင် စစ်​ကောင်စီတပ်ကားနှင့်ဆိုင်ကယ်များတိုက်ခိုက်ခံရပြီး ၈ဦးခန့်​သေဟု​ရေစကြို PDF ​​ပြော

ရဲဘော်များ အထိအခိုက်မရှိ ပြန်လည်ဆုတ်ခွာနိုင်ခဲ့ပြီး ပြည်သူများ စစ်ကားများအနီးနားသို့ ကပ်မလိုက်ကြပါရန် လည်း မေတ္တာရပ်ခံသည်။

ရေစကြို
ရေစကြို

မကွေးတိုင်း၊ ရေစကြိုမြို့နယ်တွင်စစ်ကောင်စီတပ်၏ကားတစ်စီးနှင့် ဆိုင်ကယ်သုံးစီး မိုင်းဆွဲတိုက်ခိုက်ခဲ့ပြီး ၈ ဦးခန့်သေဆုံးနိုင်ကြောင်း Yesagyo(​ရေစကြို) PDFက သတင်းထုတ်ပြန်သည်။

ယနေ့ ဇွန်လ ၂ ရက်နေ့ နံနက် ၁၁နာရီခွဲဝန်းကျင်က ရေစကြိုမြို့နယ် ၊ဇီးကုန်းကျေးရွာနှင့် ကုန်းတလင်းရွာအနီး မိုင်းကွင်းတွင် ရပ်နေသည့် ဆိုင်ကယ်သုံးစီးနှင့် ပြည်သူပိုင်ပစ္စည်းများ အဓမ္မသိမ်းယူသည်ဆောင်လာသည့် စစ်ကားတစ်စီးတို့ကို မိုင်းဆွဲတိုက်ခိုက်ခဲ့ကြောင်း ​ရေစကြိုPDFက ပြောသည်။

ဆိုင်ကယ်သုံးစီးမှာ မိုင်းပေါက်ကွဲမှုအရှိန်ကြောင့် အထက်သို့ မြောက်တက်သွားပြီး စစ်ကားမှာ လမ်းဘေးထိုးကျသွားသည်ဟု ​ရေစကြို PDFက ဆိုသည်။ အကြမ်းဖက်စစ်တပ်က အနီးဝန်းကျင်များကို ရမ်းသမ်းပစ်ခတ်ခဲ့ကြောင်း၊ အကြမ်းဖက်စစ်သား ၈ ဦးသေဆုံးကာ ဒဏ်ရာရ‌‌သူများလည်းရှိကြောင်း ​ရေစကြို PDFက ပြောသည်။

ရဲဘော်များ အထိအခိုက်မရှိ ပြန်လည်ဆုတ်ခွာနိုင်ခဲ့ပြီး ပြည်သူများ စစ်ကားများအနီးနားသို့ ကပ်မလိုက်ကြပါရန် လည်း မေတ္တာရပ်ခံသည်။

Public Service Announcement

Public Service Announcement

အထက်ပါဖြစ်စဥ်နှင့်ပတ်သက်၍ ​ရေစကြို PDFထံ ဆက်သွယ်မေးမြန်းထားပြီး ပြန်လည်ဖြေကြားခြင်းမရှိသေးပါ။

ယမန်နေ့ ဇွန်လ ၁ ရက်နေ့ညပိုင်းကလည်း ရေစကြိုမြို့အနောက်တောင်အရပ်မှ ပေါက်ကွဲသံ၂ ကြိမ်ခန့် ကြားလိုက်ရပြီး ယနေ့နံနက်ပိုင်းကလည်း ရေစကြိုမြို့ပေါ် ရပ်ကွက်များပေါ် အကြမ်းဖက်စစ်တပ်က အဆက်မပြတ်ပစ်ခတ်ခြင်းများ ပြုလုပ်ခဲ့ကြောင်း ဒေသခံများက ပြောသည်။

ဆက်စပ်သတင်းများ

သတင်း

မကွေးတိုင်း၊ရေစကြိုမြို့နယ်၊ဇီးတောပြည်သူ့စစ်စခန်းက ထွက်လာတဲ့ ပြည်သူ့စစ်ခေါင်းဆောင်ဝင်းမြင့်အောင်နဲ့ တပည့်ဖြစ်သူတို့ ပစ်ခတ်ခံရပြီး သေဆုံးကာ လက်နက်သုံးလက်ရရှိတယ်လို့ ပြည်သူ့ကာ ကွယ်ရေးတပ်ဖွဲ့ရေစကြိုမြို့နယ်ကဒီကနေ့(နိုတင်ဘာ ၁) ထုတ်ပြန်ပါတယ်။

သတင်း

မကွေးတိုင်း၊ ရေစကြိုမြို့နယ်မှာ တိုက်ပွဲဖြစ်ပြီး ဇီးတောကျေးရွာ ပြည်သူ့စစ်ခေါင်းဆောင်အပါအ၀င် သေဆုံးသူများပြီး လက်နက်ခဲယမ်းတချို့သိမ်းရတယ်လို့ ဒေသခံနဲ့ စစ်ရေးသတင်းရင်းမြစ်တွေက ပြောပါတယ်။

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်

သတင်း

အမျိုးသားညီညွတ်ရေးအစိုးရ(NUG)၊ ကာကွယ်ရေးဝန်ကြီးဌာန၊ ပြည်သူ့ကာကွယ်ရေးတပ်မတော်(PDF)၊ စစ်ရုံးချုပ်ကွပ်ကဲမှုအောက်ရှိ အမှတ် (၉၇၁၁) တပ်ရင်းကို လက်နက်တပ်ဆင်ခြင်းအခမ်းအနား ကျင်းပခဲ့ကြောင်း ပြည်သူ့ကာကွယ်ရေးတပ်မတော် က သတင်းထုတ်ပြန်ပါတယ်။

Facebook