Connect with us

Hi, what are you looking for?

သတင်း

ထန်းတပင် ဇရပ်ကြီးမြို့မှာ ပစ်ခတ်မှုဖြစ်ပွားပြီး စစ်ကောင်စီဘက်က ၃ ဦးသေဆုံးခဲ့တယ်လို့ ဆို

မနေ့ညပိုင်းကလည်း သံတောင်မြို့ လိပ်သိုမြို့ဘက်တွေမှာလည်း စစ်ကောင်စီတပ်က ရပ်ကွက်တွေအတွင်း လှည့်လည်ပြီး သေနတ်ပစ်ဖောက်တာတွေ လုပ်ဆောင်ခဲ့သေးတယ်လို့ ဒေသခံတွေရဲ့ ပြောကြားချက်အရ သိရပါတယ်။

ထန်းတပင် ဇရပ်ကြီးမြို့
ထန်းတပင် ဇရပ်ကြီးမြို့

ကေအဲန်ယူထိန်းချုပ်နယ်မြေ တောတထူ(ထန်းတပင်)မြို့နယ် ဇရပ်ကြီးမြို့မှာ မနေ့ညပိုင်းက စစ်ကောင်စီတပ်နဲ့ KNLA ပူးပေါင်းတပ်တွေအကြား ပစ်ခတ်မှုဖြစ်ပွားခဲ့ပြီး စစ်ကောင်စီဘက်က သုံးဦးသေဆုံးသွားခဲ့တယ်လို့ တပ်မဟာ ၂ ထံကနေ သိရပါတယ်။

ကေအဲန်ယူ-တောအူး(တောင်ငူ)ခရိုင် တပ်မဟာ ၂ တပ်ရင်း ၆ နယ်မြေ ဇရပ်ကြီးမြို့အခြေစိုက် စစ်ကောင်စီရဲ့ ခလရ(၇၃)တပ်နဲ့ KNLA ပူးပေါင်းတပ်တွေအကြား မနေ့ည ၉ နာရီအချိန်ကစပြီး နာရီဝက်ကြာပစ်ခတ်မှုဖြစ်ခဲ့ကာ စစ်ကောင်စီဘက်က သုံးဦးသေဆုံးပြီး လေးဦးဒဏ်ရာရရှိသွားခဲ့တာပါ။

“ဇရပ်ကြီးတပ်စခန်းထဲ လက်နက်ကြီးလို့ယူဆရတဲ့ အသံအကျယ်နှစ်ချက် ကြားရပြီးနောက် လက်နက်ငယ် အပြန်အလှန်ပစ်ခတ်သံတွေစတင်ကြားရပါတယ်။ တော်တော်ကြာပါတယ်။ ၉ နာရီ ၃၅ မိနစ်နောက်ပိုင်း ပြန်လှန်ပစ်ခတ်သံတော့ရပ်သွားပေမယ့် စကစတပ်က တချက်တချက်ပြန်လည်ပစ်ခြောက်ခဲ့ပါတယ်။ စစ်သား၃ဦးသေသွားတယ် ၂ ဦးကဒဏ်ရာပြင်းတယ်”လို့ ဒေသခံတစ်ဦးက ပြောတဲ့အကြောင်း တောအူးကရင်သတင်းစဉ်မှာ ဖော်ပြထားပါတယ်။

ဒီမနက်ပိုင်းမှာတော့ ဇရပ်ကြီးမှာ စစ်ကောင်စီတပ်က စစ်ဆေးမှုတွေလုပ်ဆောင်နေတယ်လို့လည်း တပ်မဟာ ၂ ထံကနေ သိရပါတယ်။

Public Service Announcement

Public Service Announcement

ဒါ့အပြင် မနေ့ညပိုင်းကလည်း သံတောင်မြို့ လိပ်သိုမြို့ဘက်တွေမှာလည်း စစ်ကောင်စီတပ်က ရပ်ကွက်တွေအတွင်း လှည့်လည်ပြီး သေနတ်ပစ်ဖောက်တာတွေ လုပ်ဆောင်ခဲ့သေးတယ်လို့ ဒေသခံတွေရဲ့ ပြောကြားချက်အရ သိရပါတယ်။

ဆက်စပ်သတင်းများ

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်

သတင်း

တနိုင်ငံလုံးအပစ်ရပ်စာချုပ်(NCA)အပေး လူထုရဲ့ ယုံကြည်ကိုးစားမှု လျော့နည်းကျဆင်းခဲ့ကြောင်း နေပြည်တော်မှာ ကျင်းပတဲ့ NCA စာချုပ်ချုပ်ဆိုမှု ၁၁နှစ်မြောက်နှစ်ပတ်လည် အခမ်းအနားမှာ ရှမ်းပြည်ပြန်လည်ထူထောင်ရေးကောင်စီ(RCSS)ကိုယ်စားလှယ် ဗိုလ်မှူးကြီးစိုင်းငင်းက ပြောပါတယ်။

သတင်း

ထိုင်းနိုင်ငံရောက် မြန်မာလုပ်သားတွေအနေနဲ့ မိသားစုထံ ၃လစာငွေလွှဲပို့ထားသူတွေကို မည်သူမည်ဝါဖြစ်ကြောင်းသက်သေခံလက်မှတ် (CI) ထုတ်ပေးရေးစခန်း ၅ခုပြန်ဖွင့်ပြီး လုပ်ပေးသွားမယ်လို့ စစ်အုပ်စုကထုတ်ပြန်ပါတယ် ။

သတင်း

ရန်ကုန်မြို့မှာ စည်ကားကြောင်းပြသဖို့ စစ်ကောင်စီက စျေးပွဲတော်တွေ အဆက်မပြတ်စီစဉ်နေပြီး လူငယ်တွေကို စောင့်ကြည့်ဖို့ ညွှန်ကြားချက်ထုတ်ထားကြောင်း လူထုနွေဦးက စုံစမ်းသိရပါတယ်။

Facebook