Connect with us

Hi, what are you looking for?

သတင်း

ငါန်းဇွန်မြို့ စစ်ကောင်စီတပ် စစ်ဆေးရေးဂိတ် တိုက်ခိုက်ခံရပြီး တစ်ဦးသေ၊ နှစ်ဦးဒဏ်ရာပြင်းထန်

ယနေ့နံနက် ၇နာရီခွဲခန့်တွင် ငါးဇွန်မြို့အရှေ့ဘက်ခြမ်းရှိ စစ်ကောင်စီတပ်စစ်ဆေးရေးဂိတ်ကို ဖောက်ခွဲတိုက်ခိုက်ခဲ့ခြင်းဖြစ်ပြီး စစ်ကောင်စီတပ်မှ တစ်ဦးသေဆုံးကာ၊ နှစ်ဦးဒဏ်ရာပြင်းထန်စွာရရှိသွားကြောင်း ဖော်ပြသည်။

ငါန်းဇွန်မြို့
ငါန်းဇွန်မြို့

မြင်းခြံခရိုင်၊ ငါန်းဇွန်မြို့ရှိ စစ်ကောင်စီတပ်၏ စစ်ဆေးရေးဂိတ်တစ်ခုကို ယနေ့(ဇွန် ၁၄) နံနက်ပိုင်းက ဖောက်ခွဲတိုက်ခိုက်ခဲ့ကြောင်း Zeroပြောက်ကျားတပ်ဖွဲ့က ထုတ်ပြန်သည်။

ယနေ့နံနက် ၇နာရီခွဲခန့်တွင် ငါးဇွန်မြို့အရှေ့ဘက်ခြမ်းရှိ စစ်ကောင်စီတပ်စစ်ဆေးရေးဂိတ်ကို ဖောက်ခွဲတိုက်ခိုက်ခဲ့ခြင်းဖြစ်ပြီး စစ်ကောင်စီတပ်မှ တစ်ဦးသေဆုံးကာ၊ နှစ်ဦးဒဏ်ရာပြင်းထန်စွာရရှိသွားကြောင်း ဖော်ပြသည်။

“သူတို့(စစ်ကောင်စီတပ်)စစ်ဆေးရေးအမြဲလုပ်တဲ့ ငါးန်ဇွန်အရှေ့ဘက်ခြမ်းပေါ့၊ ငါန်းဇွန်က တောင်ဘက်နဲ့အရှေ့ဘက် ဝင်ပေါက်နှစ်ခုရှိတာ အရှေ့ဘက်ခြမ်းမြို့ဝင်ဂိတ်ကို မိုင်းဆင်ပြီးတော့ သူတို့ရောက်လာတဲ့အချိန်မှာ ဖောက်ခွဲပြီးတိုက်ခိုက်ခဲ့တာ”ဟု Zero ပြောက်ကျား တပ်၏ ခေါင်းဆောင်ဖြစ်သူက ပြောသည်။

ထိုတိုက်ခိုက်မှုကြောင့် စစ်ဆေးရေးဂိတ် ဘန်ကာအတွင်းနေရာယူထားသည့် စစ်ကောင်စီတပ်သားတစ်ဦးနေရာတင်ပွဲချင်းပြီးသေဆုံးပြီး ဘန်ကာအပြင်ဘက်တွင်ရပ်နေသော တပ်သားနှစ်ဦး ပြင်းထန်စွာဒဏ်ရာရသွားသည်ဟု ၎င်းက ဆက်ပြောသည်။

Public Service Announcement

Public Service Announcement

ယနေ့နံနက် ၇နာရီခွဲအချိန်တွင် ငါန်းဇွန်မြို့ စစ်​ကောင်စီစစ်ဆေးရေးဂိတ်(အရှေ့ဘက်ခြမ်း)အား မိုင်းခွဲတိုက်ခိုက်ခဲ့ရာ တစ်ဦးသေ၊နှစ်ဦး ပြင်းထန်ဒါဏ်ရာရရှိခဲ့ပါသည်။

အဆိုပါ ငါန်းဇွန်မြို့အဝင်စစ်ဆေးရေးဂိတ်ရှိ စစ်ကောင်စီတပ်များသည် ခရီးသွားပြည်သူများကို စစ်ဆေးမေးမြန်းခြင်း၊ ဆိုင်ကယ်စီးသူများကိုဖမ်းဆီးစစ်ဆေးခြင်း၊ ငွေကြေးတောင်းယူခြင်းတို့ လုပ်ဆောင်နေခြင်းကြောင့် ယခုလိုတိုက်ခိုက်ခြင်းဖြစ်ကြောင်း Zero ပြောက်ကျား တပ်က ပြောသည်။

ဆက်စပ်သတင်းများ

သတင်း

မကွေးတိုင်း၊ ပခုက္ကူလေဆိပ်အနီးက စစ်တပ်စစ်ဆေးရေးဂိတ်စခန်း ခေါင်းဆောင် ရဲတပ်ကြပ်ကို ပစ်ခတ်ရှင်းလင်းခဲ့ရာ လက်နက် ၂လက်နဲ့ ကား ၁စီး သိမ်းရတယ်လို့ မကွေးဖက်ဒရယ်ယူနစ် စစ်ကြောင်း(၃) -Southern YSO PDF တာ၀န်ခံ ကိုအောင်မောင်းက လူထုနွေဦးကို ပြောပါတယ်။

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်

သတင်း

တနိုင်ငံလုံးအပစ်ရပ်စာချုပ်(NCA)အပေး လူထုရဲ့ ယုံကြည်ကိုးစားမှု လျော့နည်းကျဆင်းခဲ့ကြောင်း နေပြည်တော်မှာ ကျင်းပတဲ့ NCA စာချုပ်ချုပ်ဆိုမှု ၁၁နှစ်မြောက်နှစ်ပတ်လည် အခမ်းအနားမှာ ရှမ်းပြည်ပြန်လည်ထူထောင်ရေးကောင်စီ(RCSS)ကိုယ်စားလှယ် ဗိုလ်မှူးကြီးစိုင်းငင်းက ပြောပါတယ်။

သတင်း

ထိုင်းနိုင်ငံရောက် မြန်မာလုပ်သားတွေအနေနဲ့ မိသားစုထံ ၃လစာငွေလွှဲပို့ထားသူတွေကို မည်သူမည်ဝါဖြစ်ကြောင်းသက်သေခံလက်မှတ် (CI) ထုတ်ပေးရေးစခန်း ၅ခုပြန်ဖွင့်ပြီး လုပ်ပေးသွားမယ်လို့ စစ်အုပ်စုကထုတ်ပြန်ပါတယ် ။

Facebook