ပဲခူးတိုင်း၊ ရေတာရှည်မြို့နယ်တွင် ကျေးရွာအတွင်းဝင်ရောက်လာသော အကြမ်းဖက်စစ်ကောင်စီတပ်ကို လက်ဦးမှူယူပြီး တိုက်ခိုက်ခဲ့ကြောင်း ရေတာရှည်မြို့နယ် ပြည်သူ့ကာကွယ်ရေးတပ်ဖွဲ့၊ တပ်ခွဲ ၂ က ထုတ်ပြန်သည်။
ယမန်နေ့က ရေတာရှည်မြို့နယ် စစ်တောင်းမြစ်အရှေ့ဘက်၊ ဒေါင့်အင်းကုန်းကျေးရွာအုပ်စု၊ ဂွေးသဲကျေးရွာတွင် ဒေသကာကွယ်ရေးတပ်များရှိနေစဥ် စစ်ကောင်စီတပ်မှ အင်အား ၂၀ ခန့်ဖြင့် ဂွေးသဲရွာဘက်ရောက်လာရာ လက်ဦးမှုယူ တိုက်ခိုက်ခဲ့ခြင်းဖြစ်သည်ဟုထုတ်ပြန် သည်။
ဂွေးသဲရွာတွင် နယ်မြေစိုးမိုးရေးလုပ်ဆောင်လျက်ရှိရာ သံတောင်မြောက်ပိုင်း အထူးဒေသ ဥက္ကဌဟောင်း ဦးကိုကြီးအဖွဲ့ (NTDF)နှင့် ရေတာရှည်မြို့နယ်ပြည်သူ့ကာကွယ်ရေး ရှားလော့ တပ်ဖွဲ့တို့ ပူးပေါင်းတိုက်ခိုက်ခဲ့ပြီး စစ်ကောင်စီတပ်မှ အနည်းဆုံးငါးဦးသေဆုံးကြောင်း ဖော်ပြ သည်။
ထိုတိုက်ပွဲတွင်ရန်သူဘက်မှပစ်ခတ်သောလက်နက်ကြီးကျည်ထိ၍ တော်လှန်ရေးပူး ပေါင်းတပ်မှ ရဲဘော်တစ်ဦး၏ ခြေထောက်အနည်းငယ်ဒဏ်ရာရသည်မှလွဲ၍အောင်မြင်စွာတပ်ဆုတ်နိုင်ခဲ့ကြောင်း အသိပေးသည်။
Public Service Announcement
“စစ်ရေးတင်းမာမှုအရ အချိန်မရွေး တိုက်ပွဲ ဖြစ်ပွားနိုင်တာကြောင့် စစ်ကောင်စီတပ်သားတွေရဲ့အနီးမှာမနေဖို့သတိပေးလိုပါတယ်”ဟု ရေတာရှည် PDF တပ်ခွဲ ၂ မှ ရဲဘော်တစ်ဦးက သတင်းစကားပါးထားသည်။
