Connect with us

Hi, what are you looking for?

သတင်း

အမြှောက်တပ်ရင်းမှ စစ်သားတစ်ဦး တကောင်း PDF ထံအလင်းဝင်

အထက်ပါ CDM တပ်သား မောင်ကောင်းညိမ်းသည် စစ်ကောင်စီတပ်တွင် ၁၀ နှစ်တာဝန်ထမ်းဆောင်ခဲ့သူဖြစ်ပြီး ၎င်းနောက်ဆုံးတာဝန်ထမ်းခဲ့သော အမြှောက်တပ်ရင်း (၃၈၄)မှာ မိုးမိတ်မြို့နယ်တွင် အခြေစိုက်သည့် တပ်ရင်းတစ်ခုဖြစ်သည်။

(CDM ပြုလုပ်လာ​သော ​မောင်​ကောင်းညိမ်း။ ဓါတ်ပုံ-တ​ကောင်းPDF)
(CDM ပြုလုပ်လာ​သော ​မောင်​ကောင်းညိမ်း။ ဓါတ်ပုံ-တ​ကောင်းPDF)

အကြမ်းဖက်စစ်ကောင်စီလက်အောက်ခံ အမြှောက်တပ်ရင်းတစ်ခုမှ စစ်သားတစ်ဦး ပြည်သူ့ဘက်ပူးပေါင်းပြီး CDM ပြုလုပ်ကာ အလင်း ဝင်လာကြောင်း တကောင်းမြို့ပြည်သူ့ကာကွယ်ရေးတပ်ဖွဲ့ကယနေ့(ဇူလိုင် ၈)တွင်ထုတ်ပြန်သည်။

တကောင်း PDF ထံ CDM ပြုလုပ်လာသော တပ်သားမှာ မောင်ကောင်းညိမ်း ကိုယ်ပိုင်အ မှတ် (၄၇၈၆၁၁)ဖြစ်ပြီး အမတ (၃၈၄)မှဖြစ် ကြောင်း ဖော်ပြသည်။

“CDMပြုလုပ်ခဲ့သော ရဲဘော် မောင်ကောင်းညိမ်းအား တကောင်းမြို့ပြည်သူကာကွယ်ရေးတပ်ဖွဲ့မှ ၎င်းဖြစ်ချင်သော ဆန္ဒအရ ပြည်သူ့ရင်ခွင်သို့ပို့ဆောင်မည်ဖြစ်ပြီး လိုအပ်သည်များကို လုပ်ဆောင်ပေးမည်ဖြစ်သည်”ဟု အသိပေးသည်။

အဆိုပါ CDM တပ်သားနှင့်စပ်လျဥ်းပြီး တပ်ဖွဲ့တွင် လိုအပ်ချက်များစွာရှိသဖြင့် ဆုကြေးငွေများမထောက်ပံ့နိုင်သော်လည်း ထိုက်သင့်သည်များကို လုပ်ဆောင်ပေးသွားမည်ဟု ဆိုသည်။

Public Service Announcement

Public Service Announcement

“စစ်ကောင်စီ လက်အောက်ခံ စစ်သား/ရဲများ နောက်တစ်ကြိမ် ထပ်မံဝင်ရောက် CDM ပြုလုပ်ခဲ့ပါလျှင် ဆုကြေးငွေများပေးနိုင်ရန် အကောင်းဆုံးစီစဉ်ကြိုးစားသွားပါမည်”ဟု အသိပေးသည်။

ထို့ကြောင့် CDM ပြုလုပ်လိုသောစစ်ကောင်စီလက်အောက်ခံရဲနှင့် စစ်သားများကို နွေးထွေးစွာကြိုဆိုမည်ဖြစ်ပြီး အချိန်မီဝင်ရောက်ကြရန် တိုက်တွန်းထားသည်။

“ကျွန်တော်တို့အဖွဲ့စီမှာ စစ်သား CDMဝင်တာ ဒီတစ်ခါပဲရှိ‌တယ်။ ဒါမျိုးဝင်စေချင်နေတာကြာပြီ။ သူကပထမဦးဆုံးပေါ့။ ကျွန်တော်တို့အဖွဲ့အနေနဲ့ကတော့ အားရ၊ ကျေနပ်၊ ပီတိဖြစ်မိပါတယ်။ များများဝင်စေချင်တယ်။ ‌နွေးထွေးစွာကြိုဆိုပြီး သူတို့ဖြစ်ချင်တဲ့ ဆန္ဒတွေကိုတက်နိုင်သလောက်ဖြစ်ဆည်းပေးချင်တာ”ဟု တကောင်း PDF မှ နပ်ဖွဲ့ဝင်တစ်ဦးက ပြော သည်။

အထက်ပါ CDM တပ်သား မောင်ကောင်းညိမ်းသည် စစ်ကောင်စီတပ်တွင် ၁၀ နှစ်တာဝန်ထမ်းဆောင်ခဲ့သူဖြစ်ပြီး ၎င်းနောက်ဆုံးတာဝန်ထမ်းခဲ့သော အမြှောက်တပ်ရင်း (၃၈၄)မှာ မိုးမိတ်မြို့နယ်တွင် အခြေစိုက်သည့် တပ်ရင်းတစ်ခုဖြစ်သည်။

ဆက်စပ်သတင်းများ

သတင်း

အာဏာသိမ်းစစ်တပ်လက်အောက်ခံ ရှမ်းနီတပ် SNA က တပ်သား ၁ဦး ကချင်လွတ်လပ်ရေးတပ်မတော်(KIA)ထံ အလင်းဝင်လာကြောင်း ကချင်စစ်ရေးသတင်းရင်းမြစ်က အတည်ပြုပါတယ်။

သတင်း

ရှေ့တန်းလွှတ်မယ့် စစ်ကောင်စီတပ်ဖွဲ့ဝင်တွေကို စစ်အုပ်စုရဲ့ တာဝန်ရှိသူတဦးက စစ်မြေပြင်မှာ သေနတ်နဲ့ ပစ်ခံရမှာကို ကြောက်စရာ မလိုဘဲ၊ ကျည်ဆန်မှာ အမည် ပါပြီးသားမို့ ကိုယ့်အမည် မပါရင် မသေဘူးလို့ ပြောကာ အန္တရာယ်ကင်း အဆောင်လက်ဖွဲ့တွေပေးရှေ့တန်းထွက်ခိုင်းပါတယ်။

သတင်း

စစ်ကိုင်းတိုင်း၊ အင်းတော်မြို့ကနေ ဝန်းသိုမြို့နဲ့ ထီးချိုင့်မြို့ကို ထွက်လာတဲ့ စစ်တပ်စစ်ကြောင်း ၂ ကြောင်းလုံး စစ်ကြောင်းပျက်တဲ့အထိ တိုက်ခိုက်ခံရပြီး သေဆုံး၊ အလင်းဝင်သူတွေ အများအပြား ရှိတယ်လို့ တော်လှန်ရေး သတင်းအရင်းမြစ်တွေက ပြောပါတယ်။

သတင်း

အမျိုးသားညီညွတ်ရေးအစိုးရ(NUG)၊ ကာကွယ်ရေးဝန်ကြီးဌာန၊ ပြည်သူ့ကာကွယ်ရေးတပ်မတော်(PDF)၊ စစ်ရုံးချုပ်ကွပ်ကဲမှုအောက်ရှိ အမှတ် (၉၇၁၁) တပ်ရင်းကို လက်နက်တပ်ဆင်ခြင်းအခမ်းအနား ကျင်းပခဲ့ကြောင်း ပြည်သူ့ကာကွယ်ရေးတပ်မတော် က သတင်းထုတ်ပြန်ပါတယ်။