မကွေးတိုင်းဒေသကြီး ပေါက် – ဆိပ်ဖြူလမ်းပိုင်းတွင် စစ်ကောင်စီတပ်မှ ယာဥ်တစ်စီးကို မိုင်းဆွဲတိုက်ခိုက်ခဲ့ကြောင်း တပ်ရင်း(၇၁၂)ပြည်သူ့စွမ်းအား တပ်ပေါင်းစု(PPC)က ယနေ့(ဇူလိုင် ၁၉)ထုတ်ပြန်သည်။
ယမန်နေ့(ဇူလိုင် ၁၈ ရက်) နံနက် ၈ နာရီ ၄၅ ခန့်က ဆိပ်ဖြူမြို့နယ် ပေါက် – ဆိပ်ဖြူလမ်းပိုင်း ရွှေဘိုကျွန်း၏ အရှေ့ဘက် ကန်ပေါ်တက်နေရာတွင် စစ်ကောင်စီတပ်၏ ယာဥ်တစ်စီးကို PPC မှ မိုင်းနှစ်လုံးဖြင့် ဖောက်ခွဲတိုက်ခိုက်ခဲ့ရာ ယာဥ်ပျက်စီးပြီး ခုနစ်ဦးထိခိုက်သွားကြောင်း ဖော်ပြ သည်။
“ကပစ ၂၂ ကို ဦးတည်သွားနေတဲ့ စခကားအကြီးတစ်စီး ကို မိုင်း၂ လုံးဆွဲပါ တယ်ဗျ။ ရွှေဘိုကျွန်းနဲ့ တွင်းမငယ်ကြားမှာဗျ”ဟု PPC မှ တော်လှန်ရေးရဲဘော် တစ်ဦးက ပြောသည်။
အဆိုပါတိုက်ခိုက်မှုနှင့် စပ်လျဥ်းပြီး စစ်ကောင်စီတပ်ဘက်မှ ထိခိုက်သေဆုံးမှု အခြေအနေကို အသေးစိပ်မသိရသေးဘဲ တော်လှန်ရေးရဲဘော်များ အောင်မြင်စွာဆုတ်ခွာနိုင်ခဲ့ကြောင်း ဖော်ပြသည်။
Public Service Announcement
ထို့အပြင် ဆိပ်ဖြူမြို့နယ်အတွင်း စစ်ကြောင်းထိုးနေသော အင်အား ၂၀၀ ခန့်ပါစစ်ကြောင်းကို ဆော – ဆိပ်ဖြူလမ်းပိုင်းမှာ လောင်းရှည်ဒေသကာ ကွယ်ရေးတပ်က တိုက်ခိုက်ခဲ့ရာ ခုနစ်ဦးသေဆုံး ကြောင်း ယင်းတပ်ဖွဲ့က ထုတ်ပြန်ထားသည်။
