Connect with us

Hi, what are you looking for?

News

စစ်ကောင်စီကိုခုခံတော်လှန်နေသည့် ကရင်နီတပ် KA၏ တပ်မတော်နေ့ အခမ်းအနားကျင်းပ

ကရင်နီပြည်တပ်မတော်(KA)၏ ၇၃နှစ်မြောက် တပ်မတော်နေ့ အခမ်းအနားကို ယနေ့ တွင် ကျင်းပခဲ့သည်။

ကရင်နီအမျိုးသားတိုးတက်ရေးပါတီ(KNPP)၏ နိုင်ငံရေးဦးဆောင်မှုအောက်တွင်ရှိသော ကရင်နီပြည်တပ်မတော်(KA)၏ ၇၃နှစ်မြောက် တပ်မတော်နေ့ အခမ်းအနားကို ယနေ့ တွင် ကျင်းပခဲ့သည်။

ဩဂုတ် ၁၇ရက်တွင်ကျရောက်သည့် ကရင်နီပြည်တပ်မတော်နေ့သို့ KNPPက သဝဏ်လွှာပေးပို့ သကဲ့သို့ စစ်အာဏာရှင်ဆန့်ကျင်ခုခံတိုက်ခိုက်ရေးကို KAနှင့်အတူ ပူးပေါင်းဆောင်ရွက်နေသည့် ကရင်နီအမျိုးသားကာကွယ်ရေးတပ်ဖွဲ့(KNDF)ကလည်း သဝဏ်လွှာပေးပို့ခဲ့သည်။
ကရင်နီအမျိုးသားများ၏ နိုင်ငံရေးရည်မှန်းချက်ပန်းတိုင် မရောက်မီ နိုင်ငံရေးသတိ စစ်ရေးသတိများကို လက်ဆုပ်လက်ကိုင်ပြုရမည်ဖြစ်ကြောင်း KNPP၏ သဝဏ်လွှာတွင် ဖော်ပြထားသည်။

ဖက်ဒရယ်ဒီမိုကရေစီပြည်ထောင်စု တည်ဆောက်ရေးဖြစ်စဉ်ကို ရိုးသားစွာ ချဉ်းကပ်သည့်တိုင်မိမိတို့၏ မှန်ကန်သော ရပ်တည်မှုအပေါ် နိုင်ငံရေးဖိအား၊ စစ်ရေးဖိအားများဖြင့် တွန်းအားပေးလာမှုများကို ကြံ့ကြံ့ခံ ရင်ဆိုင်ဖြေရှင်းနိုင်ရန် ကရင်နီပြည်တပ်မတော်သည် ကြံ့ကြံ့ခိုင်ဖို့လိုသည်ဟုလည်း ဖော်ပြထားသည်။

ကရင်နီတပ်မတော်သည် စစ်ကောင်စီက ကရင်နီပြည်အတွင်း မေလ ၂၀ရက်မှ စတင်ခဲ့သော ထိုးစစ်များကို တွန်းလှန်တိုက်ခိုက်ခဲ့သော တိုက်ပွဲများ၌ ရှေ့တန်းမှ ပါဝင်တိုက်ခိုက်ခဲ့ကြောင်း၊ လူငယ်များကိုလည်း စစ်အာဏာရှင်စနစ် တွန်းလှန်ရေးအတွက် အခြေခံ စစ်ပညာများ သင်ကြားပေးခဲ့သည့်အပြင် ကရင်နီဒေသများရှိ ပြည်သူ့ကာကွယ်ရေးတပ်များနှင့် တိုင်းရင်းသားလက်နက်ကိုင်အဖွဲ့များ ညီညွတ်မှုဖြင့် ပူးပေါင်းဆောင်ရွက်မှုများကို အခြေခံပြီး အာဏာသိမ်းစစ်ကောင်စီကို တော်လှန်တိုက်ခိုက်လျက်ရှိကြောင်း KNDF ၏ သဝဏ်လွှာ၌ ဖော်ပြထားသည်။

Public Service Announcement

Public Service Announcement

ဆက်စပ်သတင်းများ

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်

သတင်း

ကရင်နီဒေသက စစ်ဘေးရှောင်ကလေးငယ်တွေရဲ့ ပညာရေးအတွက် ထောက်ပံ့ပေးမယ့် "Keep Their Dreams Alive Thadingyut Charity Concert 2026" ပွဲကို အွန်လိုင်းကနေ ပြုလုပ်သွားမှာဖြစ်ပြီး တော်လှန်အနုပညာရှင် ဂီတအဖွဲ့ သုံးဖွဲ့က ပါဝင်တင်ဆက်သွားမှာပါ။

သတင်း

တနိုင်ငံလုံးအပစ်ရပ်စာချုပ်(NCA)အပေး လူထုရဲ့ ယုံကြည်ကိုးစားမှု လျော့နည်းကျဆင်းခဲ့ကြောင်း နေပြည်တော်မှာ ကျင်းပတဲ့ NCA စာချုပ်ချုပ်ဆိုမှု ၁၁နှစ်မြောက်နှစ်ပတ်လည် အခမ်းအနားမှာ ရှမ်းပြည်ပြန်လည်ထူထောင်ရေးကောင်စီ(RCSS)ကိုယ်စားလှယ် ဗိုလ်မှူးကြီးစိုင်းငင်းက ပြောပါတယ်။

သတင်း

ထိုင်းနိုင်ငံရောက် မြန်မာလုပ်သားတွေအနေနဲ့ မိသားစုထံ ၃လစာငွေလွှဲပို့ထားသူတွေကို မည်သူမည်ဝါဖြစ်ကြောင်းသက်သေခံလက်မှတ် (CI) ထုတ်ပေးရေးစခန်း ၅ခုပြန်ဖွင့်ပြီး လုပ်ပေးသွားမယ်လို့ စစ်အုပ်စုကထုတ်ပြန်ပါတယ် ။