Connect with us

Hi, what are you looking for?

သတင်း

ဒေါကူးခူရွာအနီးတပ်စွဲထားသော စစ်ကောင်စီတပ်ကို တိုက်ခိုက်ခဲ့ဟု ကရင်နီတော်လှန်ရေးတပ်ပေါင်းစု ပြော

အကြမ်းဖက် စစ်ကောင်စီတပ်စွဲရာနေရာကို ယမန်နေ့(သြဂုတ် ၂၈ရက်)က KRU၏ လက်လုပ် (၈၁)မမဖြင့် ပစ်ခတ်တိုက်ခိုက်ခဲ့ခြင်းဟု ဆိုသည်။

ကရင်နီတော်လှန်ရေးတပ်ပေါင်းစုမှ ရဲဘော်များ လက်နက်ကြီးပစ်ခတ်ရန် ပြင်ဆင်နေစဥ်၊ Karenni Revolution Union (KRU)
ကရင်နီတော်လှန်ရေးတပ်ပေါင်းစုမှ ရဲဘော်များ လက်နက်ကြီးပစ်ခတ်ရန် ပြင်ဆင်နေစဥ်၊ Karenni Revolution Union (KRU)

ကရင်နီ(ကယား)ပြည်နယ် ဖရူဆိုမြို့နယ်ရှိ ဒေါကူးခူကျေးရွာအနီး တပ်စွဲထားသော စစ်ကောင်စီတပ်ကို တိုက်ခိုက်ခဲ့ရာ ထိခိုက်သေဆုံးမှုရှိနိုင်ကြောင်း ကရင်နီတော်လှန်ရေးတပ်ပေါင်းစု(KRU) တပ်ဖွဲ့က ယနေ့(သြဂုတ် ၂၉ ရက်) ထုတ်ပြန်သည်။

အကြမ်းဖက် စစ်ကောင်စီတပ်စွဲရာနေရာကို ယမန်နေ့(သြဂုတ် ၂၈ရက်)က KRU၏ လက်လုပ် (၈၁)မမဖြင့် ပစ်ခတ်တိုက်ခိုက်ခဲ့ခြင်းဟု ဆိုသည်။

“ဒေါကူးခူက ထီးပေါ်ဆို ကျေးရွာအုပ်စုထဲမှာရှိတယ်။ဒီလ ၂၀ ရက်လောက်ကတည်းက ရန်သူ ( အကြမ်းဖက်စစ်ကောင်စီ)တပ်က အင်အား ၂၀၀ လောက်နဲ့ တပ်ဖြန့်ပြီးဝင်လာတာ”ဟု KRU တာဝန်ရှိသူက People`s Springသို့ ရှင်းပြသည်။

စစ်ကောင်စီတပ်များဘက်မှ အထိနာခဲ့သည်ဟု ခန်းမှန်းရပြီး တိုက်ပွဲနှင့် မသက်ဆိုင်သည့် ကျေးရွာများအား အတွဲလိုက်ဒုံး၊ လက်နက်ကြီးများဖြင့် ရမ်းသမ်းပစ်ခတ်ခဲ့ကြောင်းလည်း KRU က အသိပေးသည်။

Public Service Announcement

Public Service Announcement

ယမန်နေ့တိုက်ပွဲတွင် ကရင်နီတော်လှန်ရေးတပ်ပေါင်းစု (KRU) နှင့် အခြားသော မဟာမိတ်ပြည်သူ့ကာကွယ်ရေးတပ်များ မှ အထိခိုက်တစ်စုံတစ်ရာမျှမရရှိခဲ့ကြောင်း ထုတ်ပြန်ချက်၌ ဖော်ပြသည်။

ထို့အပြင် ထီးပေါ်ဆို ကျေးရွာအုပ်စုအတွင်းသို့ စစ်ကြောင်းထိုးလာသော စစ်ကောင်စီတပ်ကို သြဂုတ် ၂၄ ရက်နှင့် ၂၅ ရက်တို့တွင် နှစ်ကြိမ်တိုင် တိုက်ခိုက်ခဲ့ပြီး စစ်ကောင်စီတပ်သား ၇ ဦးခန့်သေဆုံးကြောင်း DMO Local PDF က ထုတ်ပြန်ထားသည်။

ကရင်နီတော်လှန်ရေးတပ်ပေါင်းစုမှ ရဲဘော်များ လက်နက်ကြီးပစ်ခတ်ရန် ပြင်ဆင်နေစဥ်၊ Karenni Revolution Union (KRU)

ဆက်စပ်သတင်းများ

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်

သတင်း

ကရင်နီဒေသက စစ်ဘေးရှောင်ကလေးငယ်တွေရဲ့ ပညာရေးအတွက် ထောက်ပံ့ပေးမယ့် "Keep Their Dreams Alive Thadingyut Charity Concert 2026" ပွဲကို အွန်လိုင်းကနေ ပြုလုပ်သွားမှာဖြစ်ပြီး တော်လှန်အနုပညာရှင် ဂီတအဖွဲ့ သုံးဖွဲ့က ပါဝင်တင်ဆက်သွားမှာပါ။

သတင်း

တနိုင်ငံလုံးအပစ်ရပ်စာချုပ်(NCA)အပေး လူထုရဲ့ ယုံကြည်ကိုးစားမှု လျော့နည်းကျဆင်းခဲ့ကြောင်း နေပြည်တော်မှာ ကျင်းပတဲ့ NCA စာချုပ်ချုပ်ဆိုမှု ၁၁နှစ်မြောက်နှစ်ပတ်လည် အခမ်းအနားမှာ ရှမ်းပြည်ပြန်လည်ထူထောင်ရေးကောင်စီ(RCSS)ကိုယ်စားလှယ် ဗိုလ်မှူးကြီးစိုင်းငင်းက ပြောပါတယ်။

သတင်း

ထိုင်းနိုင်ငံရောက် မြန်မာလုပ်သားတွေအနေနဲ့ မိသားစုထံ ၃လစာငွေလွှဲပို့ထားသူတွေကို မည်သူမည်ဝါဖြစ်ကြောင်းသက်သေခံလက်မှတ် (CI) ထုတ်ပေးရေးစခန်း ၅ခုပြန်ဖွင့်ပြီး လုပ်ပေးသွားမယ်လို့ စစ်အုပ်စုကထုတ်ပြန်ပါတယ် ။