ထီရိစစ်ကောင်စီတပ်စခန်းကို သိမ်းပိုက်စဥ်ကလက်နက်ချခဲ့သော စစ်သုံ့ပန်းငါးဦး၏သဘော ဆန္ဒကို ၎င်းတို့မိသားစုဝင်များသိစေရန် ဖယ်ခုံမြို့နယ်ပြည်သူ့ကာကွယ်ရေးတပ်၊တပ်ရင်း (၂) က ယနေ့(စက်တင်ဘာ ၂ ရက်) ထုတ်ပြန်သည်။
မေလ ၁၂ ရက်က ထီရိစစ်ကောင်စီတပ်စခန်းကို သိမ်းပိုက်ခဲ့စဥ်က စစ်ကောင်စီတပ်သား နှစ်ဦးနှင့် ပအိုဝ်းပြည်သူ့စစ် PNO မှ တပ်သားသုံးဦးမှ လက်နက်ချခဲ့ခြင်းဖြစ်သည်။
၎င်းတို့ ငါးဦးကို အမျိုးသား ညီညွတ်ရေးအစိုးရ ၊ကာကွယ်ရေးဝန်ကြီးဌာန၊ အလယ်ပိုင်းတိုင်းစစ် ဌာနချုပ်တွင် ထိန်သိမ်းထားရှိခဲ့သည်ဟု ဆိုသည်။
ထို့နောက် စက်တင်ဘာ ၁ ရက်က ဖယ်ခုံမြို့နယ် ပြည်သူ့ကာကွယ်ရေးတပ်၊တပ်ရင်း၂ က စစ်သုံ့ပန်း ငါးဦးထိန်းသိမ်းထားရှိရာနေရာသို့ ရောက်ရှိတွေ့ဆုံခဲ့သည်။
Public Service Announcement
၎င်းတို့အနေဖြင့် လက်ရှိအချိန်တွင် အရေးယူခံရမည်စိုး၍ နေရပ်သို့ပြန်လိုသေးခြင်းမရှိကြောင်း၊ ကျန်းမာရေး ကောင်းမွန်ပြီးအဆင်ပြေပြေနေရကြောင်းကိုမူ မိသားစုကို သိစေချင်ကြောင်း နှင့် ၎င်းတို့ကိုမစိုးရိမ်ပါရန်မှာကြားလိုကြောင်း ဖော်ပြသည်။
ထို့ကြောင့် ကာယကံရှင် စစ်သုံ့ပန်း ငါးဦး တို့၏ သဘောဆန္ဒကိုသက်ဆိုင်ရာ မိသားစုဝင်များအားသိရှိစေနိုင်ရန် ဖယ်ခုံမြို့နယ်ပြည်သူ့ကာကွယ်ရေးတပ်၊တပ်ရင်း (၂)က အသိပေးသည်။
ညောင်ရွှေမြို့နယ်ရှိထီရိကျေးရွာစာသင်ကျောင်း အတွင်း အခိုင်အမာတပ်စွဲထားသော တပ်မ-၅၅ လက်အောက်ခံ ခမရ-၁၈ တပ်နှင့် PNO အဖွဲ့ကိုဖယ်ခုံမြို့နယ်ပြည်သူ့ကာ ကွယ်ရေးတပ်၊တပ် ရင်း(၂) နှင့် ကရင်နီအမျိုးသားများကာကွယ်ရေးတပ် KNDF -B3 က ပူးပေါင်းတိုက်ခိုက်ခဲ့ခြင်း ဖြစ်သည်။
တိုက်ပွဲတွင် ထီရိစခန်းကိုသိမ်းပိုက်နိုင်ခဲ့ပြီးဗိုလ်မှူးအဆင့်အပါအဝင် စစ်ကောင်စီတပ်သား ၁၅ ဦးသေဆုံးခဲ့သည်။
