သတင်း
ကရင်နီပြည်နယ်အတွင်း တိုက်ပွဲအရှိန်ကြောင့်ရှမ်းပြည်နယ်အခြေစိုက် စစ်ကောင်စီတပ်ရင်းများမှာ ခြေလျင်၊ယာဥ်တန်း အပါအဝင် ရဟတ်ယာဥ်များ ဖြင့် နေ့စဥ်နီးပါး အင်အားဖြည့်တင်းနေသည်။
Hi, what are you looking for?
ကရင်နီပြည်နယ်အတွင်း တိုက်ပွဲအရှိန်ကြောင့်ရှမ်းပြည်နယ်အခြေစိုက် စစ်ကောင်စီတပ်ရင်းများမှာ ခြေလျင်၊ယာဥ်တန်း အပါအဝင် ရဟတ်ယာဥ်များ ဖြင့် နေ့စဥ်နီးပါး အင်အားဖြည့်တင်းနေသည်။
ဇွန်လနှင့် ဇူလိုင်လဒုတိယပါတ်အထိရှမ်း-ကရင်နီဒေသကြားရှိ ဖယ်ခုံ မြို့ ခေါင်းအိ၊စက်တော် ၌ တပ်စွဲထားသော ခလရ -၂၄၈ တပ်ကို တိုက်ခိုက်နေခြင်းဟုသိရသည်။
ယခုနှစ် မတ်လ ပိုင်းကစ၍ တိုက်ပွဲများပြင်းထန်စွာ ဖြစ်ပွားခဲ့သည့် ဖယ်ခုံမြို့ တောင်စလုံး၊ မြောက်စလုံး ကျေးရွာတွင် ကာကွယ်ရေးတပ်များက နယ်မြေရှင်းလင်းရေးများလုပ်ဆောင်နေသည်ဟုသိရသည်။
စစ်ကောင်စီ၏ အမှတ် (၇) စစ်အခြေခံ လေ့ကျင့်ရေးတပ်အပါအဝင် တပ်မ (၆၆) လက်အောက်ခံတပ်ရင်းများက ဖယ်ခုံမြို့နယ်၊ ခေါင်းအိကျေးရွာအုပ်စု၊ ခေါင်းအိကျေးရွာ နှင့် စက်တော်ကျေးရွာသို့ ရက်ရှည်လများ ထိုးစစ်ဆင်လာခဲ့ခြင်းဟု ဆိုသည်။
တိုက်ပွဲတွင် စနိုက်ဘာရဲဘော် နာတားလက် နှင့် ကျောင်းသားရဲဘော် မောင်ဂျော်နိုင်တို့သည် လက်နက်ကြီးထိမှန်ကာ တိုင်းပြည်နှင့်လူမျိုးအတွက် အသက်ပေးသွားခဲ့ကြောင်း MBPDF တပ်ရင်း (၂)က အသိပေးသည်။
ယမန်နေ့(ဇွန် လ ၃ ရက်)ကမူ ဖယ်ခုံ မြို့အနီးတွင် လွိုင်လင်လေးအခြေစိုက် အမှတ် (၅၃၀) ခြေမြန်တပ်ရင်းမှ လက် နက်မပါပဲ ထွက်ပြေးလာသော စစ်သား (၃) ဦးကို ဖယ်ခုံအခြေစိုက်၊ပြည်သူ့ကာကွယ်ရေးတပ်မတော်အမှတ် (၁၀၀၆) တပ်ရင်းမှ ဖမ်းဆီးနိုင်ခဲ့သည်။
စစ်တပ်ကအထိနာသောကြောင့် စစ်ကောင်စီက လေကြောင်းတိုက်ခိုက်မှု အကြိမ်ရေများစွာပစ်ခတ်၊ကျဲချ သည်သာမက ဖယ်ခုံ စကခ(၇) နှင့် ၃၃၆ တပ် မှလက်နက်ကြီး ပစ်ကူများစွာပေးခဲ့သည်ဟု ထုတ်ပြန်ချက်၌ ဖော်ပြ သည်။
တိုက်ပွဲများအတွင်း စစ်ကောင်စီတပ်ဖွဲ့ဝင် ၂၀ ထက်မနည်းသေဆုံးကာ ကာကွယ်ရေးပူးပေါင်းတပ်ဖွဲ့များမှ လေးဦး ထိခိုက်ခဲ့ကြောင်းသိရသည်။
စစ်ကောင်စီတပ်များသည် အရပ်သားပြည်သူ များနေထိုင်ရာ ကျေးရွာများ၊ စစ်ရှောင်စခန်းများနှင့် လူထုအခြေပြု ဆေးရုံ၊ ဆေးခန်းများကို လေကြောင်းဖြင့် တိုက်ခိုက်ခြင်း လက်နက်ကြီးများဖြင့် တိုက်ခိုက်ခြင်းစသည့် စစ်ရာဇဝတ်မှုများ ကျူးလွန်လျက်ရှိကြောင်း KNDFက အသိပေးထားသည်။
ဆောင်းဖွေးကျေးရွာရှိ ဆေးပေးခန်းမှာ ကျေးရွာဒေသခံလူထုများနှင့် စစ်ဘေးရှောင်အရပ်သားများအတွက်သာ ကျန်းမာရေးလိုအပ်ချက်အရ ကိုယ်ထူကိုယ်ထ ကျန်းမာရေးစောင့်ရှောက်မှု များပေးနေသည့် နေရာသာ ဖြစ်သည်။