လက်နက်ငယ်ဖြင့် ပစ်ခတ်ခံရနိုင်သည့် ဒေသများမှပြည်သူများ သတိပြုရမည့်အချက်များ ထုတ်ပြန်

လက်နက်ငယ်နှင့် ပစ်ခတ်ခံရနိုင်သည့် ဒေသများမှ အရပ်သားပြည်သူမျး သတိရပြုရမည့် အချက်မျးကို အမျိုးသားညီညွတ်ရေးအစိုးရ(NUG)က ထုတ်ပြန် သည်။

NUG၏ လူသားချင်းစာနာထောက်ထားရေးနှင့် ဘေးအန္တရာယ်ဆိုင်ရာ စီမံခန့်ခွဲရေး ဝန်ကြီးဌာနက ပဋိပက္ခများအတွင်း ပြည်သူများဘေးအန္တရာယ်အတွက် ကြိုတင်ပြင်ဆင်ရန် အချက်များကို အပိုင်းလိုက် အသိပေးချက်ထုတ်ပြန်ခဲ့ရာ ဩဂုတ် ၂၉ရက်တွင် အပိုင်း(၂)ကို ဖော်ပြခဲ့သည်။

အဆိုပါအပိုင်း(၂)တွင် လက်နက်ငယ် ပစ်ခတ်သည့် နေရာများ၌ ကွန်ကရစ်နေအိမ်ဖြစ်ပါက နေအိမ်၏ အတွင်းပိုင်း အကျဆုံးနှင့် အလုံခြုံဆုံးအခန်းတစ်ခန်း သတ်မှတ်ထားရန်၊ မှန်ကာထားသည့် အခန်း၊ အပြင်ဘက်နှင့် ထိစပ်နေသည့် အခန်းမျိုးကို အသုံးမပြုရန် အသိပေးထားသည်။

ဖြစ်နိုင်ပါက အဆိုပါအခန်း၌ ဆန်အိတ်၊ သဲအိတ်၊ ဘိလပ်မြေအိတ်များကို အသုံးပြုပြီး ပုန်းအောင်းစရာနေရာ ဖန်တီးထားရန် ဖော်ပြထားသည်။

Public Service Announcement

ပစ်ခတ်သံများ အဆက်မပြတ် ကြားရပါက ခိုင်ခံ့သည့် ကုတင်၊ စားပွဲများအောက်တွင် အကာအကွယ်ယူ ပြီး ပုန်းအောင်းရန်၊ ပစ်ခတ်သံများ ရပ်တန့်သွားသည်အထိ ငြိမ်သက်စွာ ပုန်းအောင်း ခိုလှုံရန် နှင့် မဖြစ်မနေ နေရရွှေ့ပြောင်းရန် လိုအပ်ပါက တွာသွား၍နေရာရွှေ့ရန်၊ ကိုယ်ခန္ဓာနှင့် ခေါင်းပေါ်ကို ပြုတ်ကျနိုင်သည့် အရာများအး သတိပြုရွှေ့ပြောင်းရန် အသိပေးထားသည်။

ပစ်ခတ်သံကြားခြင်းအိမ်ပြင်ထွက်ကြည့်ခြင်း၊ ပတ်ဝန်း ကျင်ကို စူးစမ်းခြင်းမျိုး မလုပ်ဘဲ အိမ်ထဲ၌သာ ပုန်းအောင်းနေထိုင်ကြရန်လိုအပ်သည်ဟုလည်း ထုတ်ပြန်ခဲ့သည်။ မိမိအိမ်သည် မလုံခြုံပါက ခိုင်ခံ့သည့် အဆောက်အအုံဆီသို့ သတိဝီရိယရှိစွာ အမြန်ပြောင်းရွှေ့ရန်၊ နေအိမ်ကို စွန့်ခွာရမည်ဆိုပါက ဆောင်ရွက်ရမည့်အချက်များကို လိုက်နာရန်၊ မိမိအိမ်သည် အဝင်အထွက်လမ်းမကြော၌ တည်ရှိပါက လုံခြုံရေးကို ပိုမိုဂရုစိုက်ပြင်ဆင်ရန် အသိပေးထားသည်။