စစ်ကိုင်းတိုင်း၊ မုံရွာ – အရာတော်လမ်းပိုင်းတွင် စစ်ကောင်စီတပ်ဖွဲ့ဝင်များ အသွားအလာများနေ၍ ပြည်သူများအနေဖြင့် သွားလာခြင်းမပြုကြရန် God Of Monywa အဖွဲ့က သတိပေးသည်။
အဆိုပါလမ်းပိုင်းနှင့်ပတ်သက်၍ မုံရွာခရိုင်အခြေစိုက် God Of Monywa အဖွဲ့က ယနေ့ (အောက်တိုဘာ ၂၅ ရက်) နံနက်ပိုင်းတွင် အရေးပေါ်သတိပေးထုတ်ပြန်ကြေညာခဲ့ခြင်း ဖြစ်သည်။
မုံရွာ – အရာတော်လမ်းပိုင်းတွင် စစ်ကောင်စီတပ် များ ခြေရှုပ်နေပါသဖြင့် ယခုချိန်မှစ၍ အဆိုပါလမ်းပိုင်းအား အရေးပေါ်အခြေအနေမှလွဲ၍ လုံးဝအသုံးမပြုကြရန် God Of Monywa အဖွဲ့က မေတ္တာရပ်ခံထားသည်။
အိမ်စီးကားများမှန်ချမောင်းနှင်ရန်နှင့် တွဲကားများ မိုးကာမအုပ်ဘဲ မောင်းနှင်ရန်ထပ်မံမေတ္တာရပ်ခံထားပြီး ပြန်လည်အသုံးပြုရမည့်အချိန်ကို ထုတ်ပြန်ကြေညာပေးမည်ဟု God Of Monywa အဖွဲ့က အသိပေးထားသည်။
Public Service Announcement
ယမန်နေ့ကလည်း ထီးဆောင်း – အရာတော်လမ်းပိုင်းအား ယာယီပိတ်ထားခဲ့သေးသည်။
