ကျောင်းထိုင်ဆရာတော် ၁ပါးနဲ့ လူငယ် ၁၅ ဦးကို မန္တလေးမှာ စစ်ကောင်စီဖမ်းဆီး

မန္တလေးမှာ နှစ်သစ်ကူးညနေပိုင်းက မန္တလေးမြို့ပြ ပြောက်ကျား Mandalay Young Force (MYF) နဲ့ ဝက်လက် PDF အဖွဲ့ဝင် ၁၆ ဦးကို ဖောက်ခွဲရေးပစ္စည်းတွေနဲ့အတူဖမ်းမိတယ်လို့ စစ်ကောင်စီကသတင်းထုတ်ပါတယ်။

ဖမ်းမိသူ ၁၆ ဦးထဲမှာ မန္တလေးမြို့ ၊အောင်မြေသာစံမြို့နယ်ထဲက ကျောင်းထိုင်ဆရာတော် ၁ ပါးကိုပါ လူဝတ်လဲပြီး စစ်ကောင်စီက ဖမ်းဆီးထားတာတွေ့ရပါတယ်။

ကျောင်းထိုင်ဆရာတော်မှအပ ဖမ်းဆီးခံရသူတွေဟာ လူငယ်တွေဖြစ်ပြီး အသက် ၁၆ နှစ်ကနေ ၂၀ ဝန်းကျင်အရွယ်တွေ ဖြစ်ကြပါတယ်။

ဖမ်းခံရတဲ့လူငယ်တွေထဲမှာ အသက် ၁၈ နှစ်အောက် မိန်းကလေးငယ် ၂ ဦးလည်းပါဝင်ပါတယ်။

Public Service Announcement

နှစ်သစ်ကူးညနေ ပိုင်း မှာ MYF အဖွဲ့ဝင် လူငယ် ၂ ဦးကို ချမ်းမြသာစည် ၊အောင်သာယာရပ်ကွက်မှာ ဖမ်းမိရာကနေ ဆက်တိုက်မိတာလို့ စစ်ကောင်စီရဲ့သတင်းထုတ်ပြန်ချက်မှာဖော်ပြပါတယ်။

လက်လုပ် ဖောက်ခွဲရေးပစ္စည်းတွေနဲ့အတူ ဖမ်းမိတာလို့ဆိုထားပြီး အဲဒီလူငယ်တွေဟာ နှစ်သစ်ကူးကာလအတွင်းဖောက်ခွဲရေးလုပ်မယ့်သူတွေလို့ စစ်ကောင်စီက စွပ်စွဲထားပါတယ်။