မန္တလေးမြို့အဝင်ဖြစ်တဲ့ ၁၆ မိုင်စစ်ဆေးရေးဂိတ် မှာ ဒီရက်ပိုင်း စစ်ကောင်စီတပ်က အစစ်အဆေး ကြမ်းနေလို့ မြို့ထဲ ဝင်ဖို့စောင့်ဆိုင်းနေတဲ့ ကားအစီးရေဟာ အများအပြားဖြစ်နေပါတယ်။
မနေ့ကစတင်ပြီး ၁၆ မိုင်ဂိတ်မှာ မန္တလေးမြို့ထဲ ဝင်မယ့် အိမ်စီးကားနဲ့ ခရီးသည်တင်ကားကလွဲရင် ကျန်တဲ့ ကုန်ကားတွေကို စစ်ကောင်စီတပ်က ၁ စီးချင်း တားဆီးစစ်ဆေးနေတာပါ။
ဒါကြောင့်ကားတွေပိတ်မိနေပြီး စောင့်ဆိုင်းနေတဲ့ ကားတန်းဟာ မိုင် ၂၀ လောက်ကနေ စစ်ဆေးခံရမယ့် ၁၆ မိုင်အထိ ၄ မိုင်သာသာ ကားတန်းရှည်ကြီးဖြစ်နေတယ်လို့ အဲဒီလမ်းပိုင်းကိုဖြတ်သန်းခဲ့ရသူ ကားသမားတစ်ဦးကပြောပါတယ်။
အခုလို စစ်ဆေးတဲ့ ဂိတ်ဟာ မန္တလေး − လားရှိုး လမ်းပိုင်းမှာရှိတဲ့ဂိတ်လည်းဖြစ်ပါတယ်။
Public Service Announcement
စစ်ကောင်စီဟာ ရန်ကုန် ၊မန္တလေး တို့လို မြို့ကြီးတွေဆီ အဝင်မှာ စစ်ဆေးမှုတင်းကျပ်ထားတာဖြစ်ပါတယ်။
ရန်ကုန်တိုင်းနဲ့ မွန်ပြည်နယ် ၊ကရင်ပြည်နယ်တို့ကြားဆက်သွယ်ထားတဲ့ လမ်းကြောင်းပေါ်မှာရှိတဲ့ ပဲခူတိုင်း၊ ဝေါမြို့နယ် စစ်တောင်းတံတားက ညောင်ခါးရှည် စစ်ဆေးရေးဂိတ်မှာဆိုရင်လည်း ရန်ကုန်ထဲဝင်ခွင့်ရဖို့ ရာနဲ့ချီပြီး ကားတန်းရှည်ကြီးနေ့တဓူဝ ဖြစ်နေပါတယ်။
