ရန်ကုန်မြို့ စမ်းချောင်းမြို့နယ်၌ ယနေ့ညနေပိုင်းက စစ်ကားတစ်စီး ပေါက်ကွဲမှုဖြစ်ပွားပြီးနောက် အကြမ်းဖက်စစ်ကောင်စီ၏တပ်သားများက အင်အားအများအပြားဖြင့် ကားများကိုစစ်ဆေးသည့်အပြင် YBSများ ပေါ်အထိ စစ်ဆေးမှုများပြုလုပ်နေကြောင်း ဒေသခံများက ပြော သည်။
“ကျွန်တော်တို့ YBSက အထက်ကြည့်မြင်တိုင်လမ်းအတိုင်းလာတာကို ရဲတွေ၊ စစ်သားတွေအများကြီး တားပြီး စစ်တာပါ။ ဖုန်းတွေကို မစစ်ဘူး။ ကျောပိုးအိတ်တွေ၊ ဘေးလွယ်အိတ်တွေကို အကုန်ဖွင့်စစ်ပါတယ်။ ညနေက စမ်းချောင်းပေါက်ကွဲမှုကြောင့် စစ်တယ်လို့ ထင်ပါတယ် “ဟု မျက်မြင်တွေ့ကြုံခဲ့သူတစ်ဦးက ဆိုသည်။
ယနေ့ညနေပိုင်းတွင် စမ်းချောင်းမြို့နယ် ဗဟိုလမ်းနှင့် ဗားကရာလမ်းဆုံအနီး၌ ကင်းလှည့်နေသော အကြမ်းဖက်စစ်ကောင်စီ ကားတစ်စီး ဗုံးပစ်ခံရပြီး စစ်သားနှစ် ဦး သေဆုံးခဲ့ပြီး အများအပြားဒဏ်ရာရရှိခဲ့သည်။
ထို့နောက် အကြမ်းဖက်စစ်ကောင်စီများက စမ်းချောင်း ဂွစျေးအနီး၊ ကျွန်းတောလမ်း၊ ဗားကရာလမ်းနှင့် ဗဟိုလမ်းများကို အကြမ်းဖက်စစ်ကောင်စီတပ်များက ပိတ်ဆို့ပြီး ရှာဖွေနေကြောင်း ဒေသခံများက ပြောသည်။
Public Service Announcement
