ရန်ကုန်မြို့ လှိုင်မြို့နယ်နှင့် ပန်းဘဲတန်းမြို့နယ်တို့တွင် ယမန်နေ့ညပိုင်းက ပေါက်ကွဲမှုများဖြစ်ပွားခဲ့သည်။
ပေါက်ကွဲမှုဖြစ်စဉ်များအနက် လှိုင်မြို့နယ်တွင် ည ၈ နာရီခန့်၌လည်းကောင်း၊ ပန်းဘဲတန်းမြို့နယ်တွင် ည ၁၁ နာရီဝန်းကျင်၌လည်းကောင်း ပေါက်ကွဲမှုများ ဖြစ်ပွားခဲ့ခြင်း ဖြစ်သည်။
ထိုပေါက်ကွဲမှုဖြစ်စဉ်များကြောင့် ထိခိုက်ဒဏ်ရာသူနှင့် ပျက်စီးဆုံးရှုံးမှုရှိမရှိကိုမူ မသိရှိရသေးဘဲ တစ်မြို့နယ်လျှင် အနည်းဆုံးပေါက်ကွဲမှု နှစ်ကြိမ်စီ ဖြစ်ပွားခဲ့ကြောင်း ဒေသသတင်းရင်းမြစ်များက ဆိုသည်။
ယမန်နေ့(စက်တင်ဘာ ၉)ညနေပိုင်းက စမ်းချောင်းမြို့နယ် ဗားဂရာလမ်းပေါ်ဖြစ်ပွားသည့် ဗုံးပေါက်ကွဲမှုကြောင့် စစ်ကောင်စီတပ်မှ ဗိုလ်မှူးတစ်ဦးနှင့် တပ်သားနှစ်ဦး သေဆုံးပြီးနောက် ရန်ကုန်မြို့ရှိမြို့နယ်အသီးသီးတွင် စစ်ကောင်စီတပ်များက ရှာဖွေစစ်ဆေးမှုများ ဆက်တိုက်လုပ်ဆောင်ခဲ့သည်။
Public Service Announcement
