'/%3E%3C/svg%3E){kind=small}
မန္တလေးက စစ်ဆေးရေးဂိတ်နဲ့ ရဲကင်းစခန်းတွေမှာ ပေါက်ကွဲမှူဖြစ်လို့ တစ်ဦးသေဆုံးပြီး ဒဏ်ရာရသူတွေရှိ
မန္တလေးက မြို့နယ်ချင်းအဝင်အထွက် စစ်ဆေးရေးဂိတ်နဲ့ ရဲကင်းစခန်းတစ်ခုမှာ ဗုံးပေါက်ကွဲမှုတွေဖြစ်ပွားခဲ့ပြီး ရပ်ကွက် ရာအိမ်မှူးတစ်ဦးသေဆုံးပြီး ဒဏ်ရာရရှိသူတွေလည်းရှိခဲ့ပါတယ်။
ဒီကနေ့ နံနက် ၉ နာရီလောက်က ပုသိမ်ကြီးမြို့နယ်နဲ့ အောင်မြေသာစံမြို့နယ် အစပ်၊ ၁၉ လမ်း ရေနီမြောင်း နယ်ကျော်ကဒ်စစ်ဆေးတဲ့နေရာ မှာ ဗုံးပေါက်ကွဲမှုဖြစ်ပွားခဲ့တာပါ။
ရာအိမ်မှုးတစ်ဦးသေဆုံးပြီး ရဲ ၂ ဦး၊ မီးသတ် ၂ ဦး၊ယာဥ်ထိန်း ၂ ဦးနဲ့ ရာအိမ်မှူး ၁ ဦးတို့ဒဏ်ရာရရှိခဲ့တယ်လို့ ကယ်ဆယ်ရေးလုပ်ဆောင်ပေးခဲ့သူတစ်ဦးကပြောပါတယ်။
Public Service Announcement
“သေဆုံးတာတော့ တစ်ယောက်တည်းပါပဲ။ ကျန်တဲ့သူတွေကတော့ ဒဏ်ရာရကြတယ်။ စိုးရိမ်စရာတော့ မတွေ့ခဲ့ဘူး” လို့ ကယ်ဆယ်လုပ်ဆောင်ပေးခဲ့တဲ့ အမျိူးသားတစ်ဦးက ပြောပါတယ်။
နံနက် ၉ နာရီဝန်ကျင်မှာ အောင်မြေသာစံမြို့နယ်က ကျောက်သပိတ်ရဲကင်းမှာလည်း ဗုံးပေါက်ကွဲမှုဖြစ်ပွားခဲ့ပါသေးတယ်။
ပေါက်ကွဲမှု အနီးရှိအမျိုးသမီးတစ်ဦးသေဆုံးခဲ့တယ်လို့ သတင်းတွေထွက်ပေါ်နေပေမယ့် အတည်ပြုနိုင်ခြင်းတော့ မရှိသေးပါဘူး။
