ပဲခူးတိုင်း အင်းတကော်မြို့အနီးတွင် ယနေ့မွန်းလွဲပိုင်းက ရဲယူနီဖောင်းဝတ်လူတစ်စုက ကားတစ်စီးကို ဓားပြတိုက်မှုဖြစ်ပွားခဲ့ကြောင်း သတင်းရရှိသည်။
အကြမ်းဖက်လုယက်မှုကျူးလွန်သူများမှာ ယာဉ်ထိန်းရဲဝတ်စုံဖြင့် နှစ်ဦး အရပ်ဝတ်ဖြင့် လေးဦး စုစုပေါင်းအမျိုးသားခြောက်ဦးဖြစ်ပြီး လက်နက်နှစ်လက်ပါဝင်ကြောင်း ရဲတပ်ဖွဲ့နှင့်နီးစပ်သည့် ဒေသခံတစ်ဦးက ပြောသည်။
အခင်းဖြစ်ပွားသည့်နေရာမှာ ရန်ကုန်-မန္တလေးလမ်းဟောင်း အင်းတကော်မြို့နှင့် သာယာကုန်းကျေးရွကြားလမ်းပိုင်းတွင် ဖြစ်ပွားခဲ့ခြင်းဖြစ်သည်ဟု အထက်ပါဒေသခံက ရှင်းပြသည်။
ရဲယူနီဖောင်းဝတ်လူတစ်စု၏ အကြမ်းဖက်လုယက်မှုခံရသည့်ယာဉ်မှာ ဧရာဝတီဘဏ်(AYA)မှ ငွေသယ် ကားတစ်စီးဖြစ်ပြီး ကျပ်သိန်းလေးထောင်ကျော် ပါသွားသည်ဟု သတင်းများထွက်ပေါ်နေသော်လည်း People’s Spring က အတည်ပြုချက်ရရှိရန် ဆက် လက်စုံစမ်းနေဆဲ ဖြစ်သည်။
Public Service Announcement
ပြီးခဲ့သည့်ရက်ပိုင်းများကလည်း ရန်ကုန်မြို့ရှိ ကမ္ဘာ့ရတနာဘဏ်(မရမ်းကုန်းဘဏ်ခွဲ)နှင့် ကျောက်မဲမြို့ရှိ ကမ္ဘောဇဘဏ်ခွဲများတွင် ဘဏ်ဓားပြတိုက်မှုများ ဖြစ်ပွားခဲ့သေးသည်။
