ဇွန်-၂၇၊၂၀၂၆။မိုမို/People’s Spring
မွန်ပြည်နယ်၊ မော်လမြိုင်မှာ ရထားနဲ့ ကားတိုက်မိပြီး ဒဏ်ရာရသူရှိတယ်လို့ အရေးပေါ်ကယ်ဆယ်ရေးအဖွဲ့၀င်တချို့က ပြောပါတယ်။
ဒီကနေ့(ဇွန်လ ၂၇ ရက်) မနက် ၆နာရီ၀န်းကျင်က တောင်ဝိုင်းလမ်းမကြီး ရထားသံလမ်းဂိတ်မှာ ရထားကို ကားက၀င်တိုက်ခဲ့တာလို့ ဆိုပါတယ်။
“ဂိတ်ပိတ်တဲ့ကြားထဲက အတင်းဖြတ်တာ။ နံပါတ်အဝါတပ်ကား”လို့ ဖြစ်စဉ်ကို တွေ့ရှိသူက ပြောပါတယ်။
Public Service Announcement
တောင်ဝိုင်းလမ်းမကြီး ရထားသံလမ်းဂိတ်ကနေ ရန်ကုန်မြို့သွားမယ့် ရထားစက်ခေါင်းကို မော်လမြိုင်တက္ကသိုလ်ဘက်လာတဲ့ ဟိုက်ဂျက်ယာဉ်က ဝင်တိုက်ခဲ့တာလို့ သိရပါတယ်။
ဟိုက်ဂျက်ယာဉ်မောင်း ဒဏ်ရာရပြီး မော်လမြိုင်ဆေးရုံပို့ပေးထားရတယ်လို့ ဘိုဘို၀င်းအရေးပေါ်ကယ်ဆယ်ရေးအဖွဲ့က ဆိုပါတယ်။
ဒါ့အပြင် ယာဉ်တိုက်မှုဖြစ်စဉ်ကို လာကြည့်တဲ့ ဆရာလေးတစ်ပါးလည်း ယာဉ်မောင်းဒဏ်ရာကို တွေ့ရှိပြီး မူးလဲသွားလို့ ပြုစုပေးခဲ့ရတယ်လို့ အသိပေးပါတယ်။
