ကျင်ဒွေးမြို့ပေါ်ရှိစစ်စခန်းကိုCDF(ကန်ပက်လက်) တိုက်ခိုက်

▪︎နှစ်ကြိမ်တိုက်ခိုက်ရာစစ်ကောင်စီတပ်သား ၅ဦးသေဟု CDFပြော

ကန်ပက်လက်မြို့နယ်၊ ကျင်ဒွေးမြို့ပေါ်တွင် အထိုင်ချထားသော စစ်ကောင်စီတပ်စခန်းကို မတ် ၁၁ ရက်က နှစ်ကြိမ်တိုက်ခိုက်ခဲ့ရာ စစ်သား ၅ ဦးသေဆုံးခဲ့ကြောင်း CDF(ကန်ပက်လက်)မှတာဝန်ရှိသူက​ပြောသည်။

အဆိုပါစစ်ကောင်စီစခန်းသည် ရခိုင်ပြည်နယ်တွင်တစ်​ကျော့ပြန်တိုက်ပွဲများ ဖြစ်ခဲ့သည့် အချိန်မှစ၍ စစ်တပ်က စခန်းထိုင်နေခြင်းဖြစ်သည်။ စစ်သား ၃၀၊ရဲ ၂၃ဥ နှင့် ပျူစောထီး ၄၀ ခန့်စု​​ပေါင်းစခန်းချနေထိုင်သည့် စခန်းတစ်ခုဖြစ်​ကြောင်းသိရသည်။

စစ်တပ်ကဖေဖော်ဝါရီလကုန်ပိုင်းနှင့်မတ်လဆန်းတွင် CDF ကန်ပက်လက်၏တပ်ရင်းတစ်ရင်းကိုစစ်ကြောင်းထိုးခဲ့သည်။

ထို့​ကြောင့်CDF(ကန်ပက်လက်)တာဝန်ရှိသူက”တန်ပြန်တိုက်စစ်မျိုးပြန်တိုက်ခဲ့ကြတာပါ”ဟုစစ်တပ်စခန်းကိုတိုက်ခိုက်ခဲ့မှု အပါ်ပြောသည်။

Public Service Announcement

မတ် ၁၁ ရက် မနက် ၆နာရီမှ ၇ နာရီအထိတစ်ကြိမ်၊ ၇နာရီခွဲမှာ ၁၀ နာရီခွဲအထိ တစ်ကြိမ် ၊ စုစုပေါင်း စစ်တပ်ကိုနှစ်ကြိမ်တိုက်ခိုက်ခဲ့ခြင်းဖြစ်သည်။

တိုက်ပွဲအတွင် စစ်ကောင်စီတပ်ဖက်မှ သေဆုံးသူ ၅ ဦးနှင့်ထိခိုက်ဒဏ်ရာရရှိသူများရှိခဲ့ပြီး CDF(ကန်ပက်လက်)မှ အထိအခိုက်မရှိဘဲ ပြန်လည်ဆုတ်ခွာနိုင်ခဲ့သည်ဟုအသိ​ပေးထားသည်။ စစ်တပ်​သေဆုံး ဒဏ်ရာရမှု အ​ခြေအ​နေကို People’s Spring သတင်းဌာနက သီးခြားအတည်မပြုနိုင်​သေးပါ။