ချောင်းဦးမြို့နယ်တွင် အကြမ်းဖက်စစ်ကောင်စီလက် အောက် တာဝန်ထမ်းဆောင်နေသော ရပ်ကွက်ကျေးရွာအုပ်ချုပ်ရေးမှုးများအား ချောင်းဦး PDFမှ ယခုလကုန်နောက်ဆုံးထားနှုတ်ထွက်ရန် သတိပေးခဲ့ပြီးနောက် အုပ်ချုပ်ရေးမှုးအချို့ ရာထူးမှစတင်နှုတ်ထွက်နေကြပြီဖြစ်ကြောင်း ချောင်းဦးဒေသခံများက ပြောသည်။
စက်တင်ဘာလ ၂၅ ရက်က ချောင်းဦးမြို့နယ် မှန်ချိုကျေးရွာမှ ကျေးရွာအုပ်ချုပ်ရေးမှူးဦးလှဝင်းသည်လည်းကောင်း၊ စက်တင်ဘာလ ၂၆ ရက်တွင် ချောင်းဦးမြို့နယ် ကျောက်စစ်ကန်ကျေးရွာအုပ်စုအုပ်ချုပ်ရေးမှူးဦးလှဌေးသည်လည်းကောင်း အုပ်ချုပ်ရေးမှုး ရာထူး အသီးသီးမှ နှုတ်ထွက်သွားကြောင်း ချောင်းဦးဒေသခံများက ပြောသည်။
ပြီးခဲ့သည့် မတ်လနှင့် စက်တင်ဘာဆန်းအတွင်းကလည်း ချောင်းဦးမြို့နယ်မှ စစ်ကောင်စီခန့်အုပ်ချုပ်ရေးမှူးအချို့ နှုတ်ထွက်ခဲ့ကြောင်း ဒေသခံများက ပြော သည်။
ချောင်းဦးမြို့နယ်အတွင်း အကြမ်းဖက်စစ်ကောင်စီအုပ်ချုပ်ရေးယန္တရား၏ အခြေခံအကျဆုံးထောက်တိုင်များဖြစ်သော ရပ်ကွက်၊ကျေးရွာအုပ်စု အုပ်ချုပ်ရေးမှူးများအားလုံး စက်တင်ဘာလ ၃၀ ရက် နောက်ဆုံးထား၍ နှုတ်ထွက်ကြရန် ချောင်းဦးမြို့နယ်ပြည်သူ့ကာကွယ်ရေးတပ်ဖွဲ့မှ စက်တင်ဘာလ ၂၄ ရက်တွင် သတိပေးစာထုတ်ပြန်ခဲ့ခြင်းဖြစ်သည်။
Public Service Announcement
လိုက်နာရန်ပျက်ကွက်ပါက မည်သို့သောအကြောင်းပြချက်ဖြင့်ပျက်ကွက်သည်ဖြစ်စေ ချောင်းဦးမြို့နယ်ပြည်သူ့ကာကွယ်ရေးတပ်ဖွဲ့အနေဖြင့် အကြမ်းဖက်စစ်ကောင် စီ၏ထောက်တိုင်များ အဖြစ်သတ်မှတ်၍ ချေမှုန်းသွားမည်ဖြစ်ကြောင်း သတိပေးလိုက်ကြောင်း ချောင်းဦးမြို့နယ်ပြည်သူ့ကာကွယ်ရေးတပ်ဖွဲ့ အသိပေးသည်။
ထို့အပြင်အကြမ်းဖက်စစ်ကောင်စီ၏ယန္တရားအတွက် အခွန်အခများကောက်ခံလျက်ရှိသည့် လျှပ်စစ်ဌာန နှင့် စည်ပင် ဌာနများမှ ဝန်ထမ်းများကိုလည်း ချောင်းဦးမြို့နယ်ပြည်သူ့ကာကွယ်ရေးတပ်ဖွဲ့အနေဖြင့် သတိ ပေးချက်ထုတ်ပြန်ထားပြီးဖြစ်ကြောင်း၊ အဆိုပါသတိပေး ချက်ကိုလည်း မပျက်မကွက် လိုက်နာကြရန်နောက်ဆုံးအကြိမ်အဖြစ် ပြင်းထန်စွာသတိပေးလိုက်ကြောင်း ချောင်းဦးမြို့နယ်ပြည်သူ့ကာကွယ်ရေးတပ်ဖွဲ့က ထုတ်ပြန်ထားသည်။
