စစ်ကောင်စီသတင်းပေးဟု ယူဆရသူ ၁၀ဦးကို ဖမ်းဆီးစစ်ဆေးရာ သက်သေခိုင်လုံသူ ၅ဦးကို အရေးယူရန် ချုပ်နှောင်ထားကြောင်း ကရင်နီပြည်ရဲတပ်ဖွဲ့(KSP)က ထုတ်ပြန်သည်။
KSPသည် သက်ဆိုင်ရာအဖွဲ့များနှင့် ပူးပေါင်းဆောင်ရွက်ခဲ့ရာ လွန်ခဲ့သည့် ရက်အတွင်း ဒလန်ဟု ထင်ရသူ မသင်္ကာသူ ကျား ၉ဦးနှင့် မ ၁ဦးကို ဖမ်းဆီးခဲ့ကြောင်း၊ ၎င်းတို့အား စစ်ဆေးမေးမြန်းရာ အမျိုးသား ၄ဦး၊ အမျိုးသမီး ၁ဦး စုစုပေါင်း ၅ဦးမှာ သက်သေအထောက်အထား ပြည့်စုံခိုင်လုံမှုမရှိ၍ သက်ဆိုင်ရာ မိသားစုထံ ကောင်းစွာ ပြန်လည်လွှဲပြောင်းပေးခဲ့သည်ဟု ဆိုသည်။
ကျန်မသင်္ကာသူ ၅ဦးမှ သက်သေအထောက်အထား ခိုင်လုံမှုရှိ၍ ကရင်ပြည်ရဲဌာနမှ ၎င်း တရားခံ ၅ဦးအား ကရင်နီပြည်၏ အချုပ်တွင် ချုပ်နှောင်ထားရှိကြောင်း၊ ၎င်း တရားခံများနှင့်ပတ်သက်၍ ကရင်နီရဲဌာနမှ လိုအပ်သလို ဆက်လက် အရေးယူဆောင်ရွက်သွားမည်ဖြစ်ကြောင်း ထုတ်ပြန်ခဲ့သည်။
KSP ကို စစ်အာဏာသိမ်းမှုကို ဆန့်ကျင်ပြီး အာဏာဖီဆန်ရေးလှုပ်ရှားမှု(CDM) ပြုလုပ်ထားသည့် ရဲဝန်ထမ်း ၃၀၀ ကျော်ဖြင့် ဩဂုတ်လကုန်ပိုင်းက ဖွဲ့စည်းထားခြင်းဖြစ်သည်။
Public Service Announcement
