စစ်ကိုင်းတိုင် ကလေးမြို့တွင် မိုင်းရှာဖွေသည့် စစ်ကား ၁၀စီးခန့်ပါဝင်သည့် ယာဉ်တန်းအား ကလေးမြို့ပြည်သူကာကွယ်ရေးတပ်ဖွဲ့က မိုင်းခွဲတိုက်ခိုက်ခဲ့ရာ အကြမ်း ဖက်စစ်ကောင်စီတပ်သား ကိုးဦးသေဆုံးပြီး အများအပြားဒဏ်ရာရရှိကြောင်း ယနေ့(အောက်တိုဘာ ၅ရက်) အဆိုပါPDFက ထုတ်ပြန်သည်။
အောက်တိုဘာ ၄ရက်တွင် စစ်ကောင်စီတပ်သားများ သည် ကလေးမြို့မှ တောင်ပိုင်းဘက်သို့ ဦးတည်မောင်းနှင်ပြီး ပန်းမွန်ချောင်း တံတားအကျော်တွင် ခေတ္တရပ်တန့်ကာ မိုင်းရှာဖွေရှင်းလင်းစဥ် ကလေးPDF က မိုင်းဖောက် ခွဲပြီး လက်နက်ငယ်များဖြင့် တရစပ်ပစ်ခတ်တိုက်ခိုက်ခဲ့ခြင်းဖြစ်ကြောင်း ထုတ်ပြန်သည်။
ယင်းပစ်ခတ်တိုက်ခိုက်မှုတွင် မိမိတို့ တပ်ဖွဲ့၀င်များ အထိအခိုက်မရှိ အောင်မြင်စွာဆုတ်ခွာနိုင်ခဲ့သည်ဟု ကလေး PDFက ဆိုသည်။
ပြီးခဲ့သည့် အောက်တိုဘာ ၃ ရက်ကလည်း စစ်ကားခြောက်စီးဖြင့် မောင်းနှင်လာသည့် စစ်ကောင်စီတပ်ဖွဲ့များကို PDFက ပစ်ခတ်တိုက်ခိုက်ခဲ့ရာ စစ်ကောင်စီတပ်သား ၁၀ဦးထက်မနည်းသေဆုံးခဲ့ကြောင်း ထုတ်ပြန်ထားသည်။
Public Service Announcement
