လားရှိုး၊ နမ့်ခမ်းနှင့် ချင်းရွှေဟော်ရှိ စစ်ကောင်စီတပ်စခန်းများကို မြောက်ပိုင်းလက်နက်ကိုင်အဖွဲ့များ တိုက်ခိုက်သိမ်းပိုက်

ရှမ်းပြည်နယ်မြောက်ပိုင်း လားရှိုး၊ နမ့်ခမ်းနှင့် လောက်ကိုင် ချင်းရွှေဟော်ဒေသရှိ စစ်ကောင်စီတပ်စခန်းများကို ယနေ့မနက်တွင် မြောက်ပိုင်းလက်နက်ကိုင်တပ်များက သိမ်းပိုက်နိုင်ပြီဖြစ်ကြောင်း စစ်ရေးသတင်းရင်းမြစ်က ပြောသည်။

လားရှိုးမြို့နယ် မိုင်းဂျက် ဗျူဟာကုန်း၊ လားရှိုး Asia World တိုးဂိတ်၊ ချင်းရွှေဟော်ရှိစစ်​ကောင်စီစခန်းများ ၊နမ့်ခမ်းရှိ စစ်​ကောင်စီတပ်စခန်း စ​သော​နေရာများစွာတွင် ​တော်လှန်​ရေးအဖွဲ့များက စစ်တပ်စခန်းများကို တိုက်ခိုက်သိမ်းပိုက်​နေသည်။

“ ဒီမနက် ရှမ်းမြောက် ဒေသ တစ်ခုလုံး နေရာအနှံ့ တိုက်ပွဲတွေ ဖြစ်နေပြီ။ ချင်းရွှေဟော်ကို MNDAAနဲ့ မဟာမိတ်တွေ သိမ်းလိုက်ပြီ။ စကစ စခန်းတွေ တစ်ခုပြီး တစ်ခု သိမ်းနေကြပြီ။ မုံးကိုး ဖောင်းဆိုင်ဘက်လည်း တိုက်ပွဲဖြစ်နေတယ်။ လားရှိုးမြို့နယ် မိုင်းဂျက် ဗျူဟာကုန်းကိုလည်း သိမ်းလိုက်ပြီ။ ဒါက နမ့်ခမ်းဘက်က စကစ စခန်းသိမ်းတာ(ရုပ်သံဖိုင်ကို ပြသပြောကြားခြင်းဖြစ်သည်)။ ၁၃ မိုင် စကစစခန်း” ဟု စစ်ရေးသတင်းရင်းမြစ်က ပြောသည်။

စခန်းသိမ်းတိုက်ပွဲများနှင့် မြို့တွင်း တိုက်ပွဲများအတွင်း စစ်ကောင်စီတပ် သေဆုံးထိခိုက်များပြီး လက်နက်ခဲယမ်းများလည်း ရရှိထားကြောင်း တော်လှန်ရေးတပ်ဖွဲ့နှင့် ဒေသ သတင်းရင်းမြစ်များက အသိပေးထားသည်။ ရုပ်သံနှင့် ဓာတ်ပုံမှတ်တမ်းများလည်း ထွက်ပေါ်လျက်ရှိသည်။

Public Service Announcement