“ရန်ကုန်တိုင်းဒေသကြီးအတွင်းခရီးသွားလာနေကြသောပြည်သူများအနေဖြင့် ၉၊ ၁၀ ၊ ၂၀၂၁မှစတင်၍ အကြမ်းဖက်စစ်ကောင်စီမှပြေးဆွဲနေသောမီးရထားများအားစီးနှင်းခြင်းမပြုလုပ်ကြရန်ရထားဘူတာရုံများအတွင်း(သို့) ဘူတာရုံအနားတွင်နေထိုင်သွားလာခြင်းများမှရှောင်ကျဥ်ကြရန်သတိပေးအပ်ပါသည်”ဟု လှိုင်မြို့နယ်ပြည်သူ့ကာကွယ်ရေးတပ်က ယမန်နေ့ည (အောက်တိုဘာ ၈ရက်)တွင် သတင်းထုတ်ပြန်သည်။
လှိုင်မြို့နယ်ပြည်သူ့ကာကွယ်ရေးတပ်ဖွဲ့အနေဖြင့် အပြစ်မဲ့ပြည်သူများအပေါ် ဖမ်းဆီးနှိပ်စက်သတ်ဖြတ်နေသည့် အာဏာသိမ်းစစ်ကောင်စီကို အမြစ်ဖြတ်ရန်နှင့် လှိုင်မြို့နယ်အတွင်းမှပြည်သူများကို ကာကွယ်ရန်အတွက် အောက်တိုဘာ ၈ ရက်တွင်စတင်ဖွဲ့စည်းခဲ့သည်ဟု သတင်းထုတ်ပြန်ထားသည်။
